Ústí atuı
Wikipedia'dan
Ústí atuı, Ústí ütereşe (Çexça: Ústecký masakr) ul suğıştan soñğı Çexoslovakiädä Ústí nad Labem şähärendä (Almança: Aussig an der Elbe) sivil Almannarnı Lynch'ça ütereşe. Facíğa 1945. yılnıñ 31. Yüldä bulğan.
31. Yüldä, 15:30-da Ústí nad Labem'neñ Krásné Březno rayonında yaña Daimler-benz DB 605 oçqıç etärgeçläre saqlanğan xärbi keläte şartlí. 27 keşe hälâk bula, yözlär yaralanğan. Şartlatuda cirle Sudet Almannarın ğäyeplilär.
Çex ğäskärlär ciñdä N xärefe bulğan keşelärne (dimäk Němcy - Almannar) üzär mäydanğa häm Laba aşa küpergä quıp cíalar. Keşelärne atıp häm batıp üterälär. 80-100 Alman üterelä (tik 43 ülem raslanğan). Bu sannar Vladimír Kaiser xezmätendä bilgelängän, ä başqa çığanaqlarça 200-400 yä 600-700 keşe üterelgän. Berniqädär Sudet Almannar äytkänçä berniçä meñ ir üterelä. 1. Augustta Ústíğa general Ludvík Svoboda citäkçelegendä komissiä cibärelä. Şartlaw säbäben açıqmíça Alman sabotajçılarğa - wehwolflarğa - awdaralar.
Mäyetläreneñ ber öleşen Elbada batırtalar, ä qalğannarnı elekke Terezín (Theresienstadt) konslagere krematoriendä yandıralar. Ütereşlärdä cirle Cexloar qatnaşmadılar, üterüçelärneñ küpçelege Revolúsion Guardiädän buldı. Çexlar uylawınça, ütereştä Sovet soldatları da qatnaştı, läkin dälillär yuq.
Şartlatu häm ütereş Çexoslovakiädän Almannarnı sörü öçen sıltawı xäzmät itä (Beneš dekretlären qara). 1989.yılğa qädärge Çexoslovakiädä bu tema yabıq bula, Çexlar küçelegenä açıq tügel. Xäzer dä Çexlarda tu tema populár tügel. Bärxet İnqilabıdan soñ şähär arxivçı Vladimír Kaiser räsmi bulmağan tikşerü ütä. Bu tikşerüdän kelätne Çex soldatı Bedřich Pokorný şartlattı, Almannarğa açu tudıru öçen yä Çexoslovak armiäsenä başqa etärgeçlär satu öçen konkurent citeşterüçelär bu soldatnı satıp aldı. Ämma publisit Jiří Loewy fikerençä, Kaiser bunı yaldan qordı.
[üzgärtü] Monı da qara
- Sudetland
