ساعتکار
وکیپیڈیا سے
ساعتکار جیسا کہ نام سے ظاہر ہے کہ کسی بھی ایسے نظم یا کام یا پرزے کو کہا جاتا ہے کہ جس میں ساعت یا گھڑی کی طرح آگے بڑھنے یا تسلسل کا رجحان پایا جاتا ہو، اسکو انگریزی میں clockwork کہا جاتا ہے۔ بنیادی طور پر آلاتی ہندسیات میں یہ ایک اتصال (linkage) بھی ہوسکتا ہے اور یا پھر ایک مکمل اختراع (device) بھی۔ اتصال کی صورت میں یہ کوئی ہلکے وزن کا آلاتی اتصال ہوتا ہے بطور خاص ایسا کہ جسمیں کئی جُزع (axle) ملوث ہوں۔ ایک اختراع کی صورت میں یہ ایک ایسا نظام ہوسکتا ہے کہ جو اپنے اندر دیۓ گئے داخلی ساعتکار پر چلتا ہو (جیسا کہ ابتداء میں بیان ہوا کہ یہاں ساعت کا لفظ تقدم یا آگے بڑھنے کے مفہوم میں آتا ہے) مزید یہ کہ بنیادی طور پر اس نظم ساعت میں منبع توانائی عضلاتی یعنی muscular ہونے کا امکان قوی ہوتا ہے مثلا ہاتھ سے گھڑی میں بھری گئی چابی۔
