وکٹوریا
وکیپیڈیا سے
وکٹوریا (Victoria) سچلز کا دارالحکومت ہے۔ اسے بندرگاہ وکٹوریا یا پورٹ وکٹوریا (Port Victoria) یا ماہے (Mahé) بھی کہتے ہیں، اور یہ جزیرہ ماہے کی شمال مشرقی سمت واقع ہے۔ 2002ء کی مردم شماری کے مطابق اسکی آبادی چوبیس ہزار نو سو ستر افراد پر مشتمل ہے جو سچلز کی کل آبادی کا ایک تہائی ہے۔ شہر کو برطانوی کالونی کی نشت کے طور پر برطانوی دور راج میں تعمیر کیا گیا تھا۔ اہم برآمدی مصنوعات میں ونیلا، کھوپرا، کھوپرے کا تیل، کچھوؤں کے خول، صابن اور گوانو شامل ہیں۔
پرکشش مقامات میں شہر کا گھنٹہ گھر جسکو لندن کے واکس ہال پل (Vauxhall Bridge) کی طرز پر بنایا گیا ہے، عدالت (Courthouse)، وکٹوریا نباتاتی باغات (Victoria Botanical Gardens)، وکٹوریا تاریخ کا قومی عجائب گھر (Victoria National Museum of History)، وکٹوریا قدرتی تاریخ کا عجائب گھر (Victoria Natural History Museum) اور سر سلوین سلوین کلارک مارکیٹ (Sir Selwyn Selwyn-Clarke Market) شامل ہیں۔ اسکے علاوہ شہر میں قومی اسٹیڈیم اور تکنیکی تعلیم کا سکول (polytechnic institute) بھی واقع ہیں۔ شہر کے مشرق میں اندرونی بندرگاہ واقع ہے جہاں ٹونا مچھلی (tuna fish) کے شکار اور ڈبہ بندی کا کام بطور مقامی صنعت کے ہوتا ہے۔
| رقبہ | |
| آبادی | 24,970 (2002ء) |
| زبانيں | انگریزی، فرانسیسی، سیچیلوئز کریولے (Seychellois Creole) |
| ٹائم زون | |
| فون کوڈ | 248+ |
| جغرافیائی علاقہ | 04°37′S 55°27′E |
سچلز کو انتظامی طور پر 25 اضلاع میں تقسیم کیا گیا ہے، جن میں سے 8 دارالحکومت وکٹوریا کے ہیں، جو درج ذیل ہیں۔
- انگریزی دریا (La Riviere Anglaise)
- مونٹ بکسٹن (Mont Buxton)
- سینٹ لوئس (Saint Louis)
- بل ائر (Bel Air)
- مونٹ فلیوری (Mont Fleuri)
- روچے کیمن (Roche Caiman)
- لیس مامیلس (Les Mamelles)
- پلائسانس (Plaisance)
ہوائي سفر کی خدمات کے لیے شہر میں سچلز بین الاقوامی ائر پورٹ ( Seychelles International Airport) تعمیر کیا گیا ہے جسکو 1971ء میں مکمل کیا گیا۔
2004ء کے بحر ہند کے سمندری زلزلہ میں وکٹوریا کا اہم ترین پل تباہ ہو گيا تھا۔
وکٹوریا، سچلز (شیخ محمد بن خلیفہ النہاگن مسجد)
|
وکٹوریا، سچلز (سینٹ انڈریو گرجا گھر)
|
وکٹوریا، سچلز (گھنٹہ گھر)
|
[ترمیم] خارجی ربط
زمرہ جات: شہر | افریقی شہر | سچلز
