کولوزیئم
وکیپیڈیا سے
کولوزیئم (Colosseum) دنیا بھر میں روم کی پہچان سمجھا جاتا ہے۔ یہ اکھاڑہ 80 قبل مسیح میں رومن بادشاہ ٹائٹس نے تعمیر کرایا اور اس کے افتتاح کے بعد 100 دن تک رومی باشندوں نے ان خونی کھیلوں کا مظاہرہ کیا جس میں غلاموں کو لڑایا جاتا تھا جنہیں Gladiators کہا جاتا تھا۔ اس عرصے میں تقریبا 9 ہزار جانور اور انسان موت کی بھینٹ چڑھے۔ اس اکھاڑے میں 50 ہزار افراد کے بیٹھنے کی گنجائش ہے جس میں بادشاہ، امراء، مصاحبین، عام شہری اور غلاموں کے لئے الگ الگ درجہ بندی ہے۔ اس اکھاڑے کی زمین پر ریت کی دبیز تہہ بچھائی جاتی تھی تاکہ خون جذبے ہوسکے۔ اکھاڑے کے لئے انگریزی میں استعمال ہونے والے لفظ ARENA کے معنی ہی ریت کے ہیں۔
یہ اکھاڑہ 500 سالوں تک استعمال کیا جاتا رہا اور یہاں آخری "کھیل" چھٹی صدی میں کھیلا گیا۔
متعدد زلزلوں اور چوروں کے ہاتھوں کولیزیئم کو شدید نقصان پہنچا تاہم اس کے چند حصے اب بھی بہتر حالت میں موجود ہیں۔ کولیزیئم روم کی علامت اور رومی طرز تعمیر کا شاہکار سمجھا جاتا ہے ۔ دنیا بھر سے لاکھوں سیاح اس کا نظارہ کرنے کے لئے اطالوی دارالحکومت آتے ہیں۔
