Dexinenzsa
Da Wikipedia, ła ençiclopedia libara.
 Sto articoło l'è sołamente 'no schizso (stub). Se ti pol dàne na man a finirlo indeso. Se ti pol da na man a mejorar secóndo łe convenzsion de Wikipedia. Par l'ełenco conpleto dei schizsi, varda ła categoria dei stub.
|
Inteła gramàtica tradizsionałe, se ciama dexinenzsa ła fin de na paroła; propiaménte xe qûeła parte de na paroła che ła canbia inteła flezsion (conjugazsion o declinazsion) de un verbo, un nome, un agetivo e vìa cusì.
Inteła łenguìstega moderna se preferise ciamar dexinenzsa un morfema gramaticałe che'l połe anca no catarse mìa ała fin deła paroła; quało dei morfemi gramaticałi se gà da ciamar dexinenzsa xe confórme ła łéngua.
Par exenpio, inteła paroła magnàvimo ła dexinenzsa in senso tradizsionał ła xe -vimo, ma ła dexinenzsa in senso moderno ła xe -mo parché -vimo no'l xe un morfema.
Par far un altro exenpio, che'l xe clàsico deła łéngua vèneta, inteła fórma interogativa màgnito ła dexinenzsa in senso tradizsionał ła xe -ito, ma ła dexinenzsa in senso moderno ła xe -i- e no ła se cata mìa intel finał deła paroła.
Qûeło che'l vanzsa deła paroła co se tira vìa la dexinenzsa se ciama tema.
Łe dexinenzse łe se studia stacàe dal tema. Defati tute łe dexinenzse che łe se poł łigar a on steso tema łe se poł anca łigar a on altro tema deła stesa coniugazsion o declinazsion quaxi senzsa che łe canbie. Se dixe defati (par exempio) i verbi deła secónda coniugazsion e voł dir che sti verbi qûi inteła só flezsion i gà tuti łe stese dexinenzse, che in sto exempio qûi se ciama dexinenzse deła secónda coniugazsion.
