Tulcea
Da Wikipedia, ła ençiclopedia libara.
|
Sto articolo l'è scrito en diałeto venezsian
|
Tulcea (Bulgaro, Ruso, e Ucrain: Тулча, Tulcha; Turco: Hora-Tepé o Tolçu) ła xe na cità de ła Romania sułe rive de el Danubio. Ła gà 91.875 teste e ła se trova ne ła region de ła Dobrogea.
Ła xe stà fondada nel secoło VIII prima de Cristo, ma ła gaveva el nome del so fondator, un Dacian ciamà "Carpyus Aegyssus"; cuesto xe scrito anca su dei documenti de Diodorus. Ovidio par exenpio ła gà citada ne ła so opara "ex Ponto", parłando dei so muri e de łe so tori alte e forti, che nisun butava zó facilmente.
Giera el primo secoło cuando ke stà cità vien concuistada dai Romani, ke subito i ghe gà meso łe raixe de ła flotta romana par proteger el confin oriental de l’impero che senò el vegnéa invaxo da i barbari, ancora deso xe visibiłi i rovinasi rimasti là da chel tempo.
Par de cua dopo xe pasà i bixantini nel'VIII fin al IX secoło, dopo xe riva i Xenovesi, ke i se gà fato el posto suo dal X al XIII secoło.
Dopo xe sta ła volta dei Turchi nel 1416, ke i gà acorpà tuta ła zona a ła Romania. Ma bisogna spetar fin al 1860 parché sto posto vegnese alsà al grado de cità e anca al comando de tuta ła so provincia.
[modifica] Demografia
I gà fato un censimento nel 2002, par trovar fora che a Tulcea de łe so 91.875 teste ghe ne giera el 92.3% de Rumeni e łe altre parti de ła xente giera 3.4% Lipovani e el resto 1.4% de Turchi.
[modifica] Nati Famoxi
- Grigore Moisil, matematico
- Tora Vasilescu, atrice
- Radu Gheorghe, ator
- Virginia Mirea, atrice
- Crin Antonescu, parlamentar
- Lili Sandu, cantante e atrice
- Traian Cosovei, scritor
- Stefan Karadzha, Rivołusionario Bulgaro
