Albert Maquet
Èn årtike di Wikipedia.
Albert Maquet a skepyî e 1922 a Lidje.
Il a scrît bråmint des arimeas, et-z eplaidî des coûtès ramexhnêyes. I scrijha, avou, del prôze-powezeye.
Il a ossu scrît sacwantès pîces di teyåte e walon, inte di zeles, des redjårbaedjes di des scrijheus itålyins did dinltins.
Il a eto studyî, e francès, sacwants scrijheus e walon, copurade des ptits fjheus d' arimeas, rovyîs pa l' istwere. Il a scrît sol teyåte e walon, po dmander on pus hôt livea do tecse, et di l' esinnaedje.
Ses scrijhaedjes e francès ont stî rsintous come foirt grandiveus pa bråmint des waloneus.
Il esteut SLLW-î; il î moussa e 1956. Il evoya des cåkêyes di papîs po leus rvowes.
Il a metou des xhames el voye des rfondeus, tot vlant k' on n' poye nén eployî des noûmots. Mins lu-minme askepia li noûmot walon "harloucrale".
E 1994, i pretinda ki les scrijhaedjes e walon ni s' plént nén passer foû del Walonreye. On live come So l' anuti a stî scrît esprès po disdire ciste idêye la.
Relî dins li ptite et l' grande antolodjeye da Piron. Il a wangnî li Pris del Veye di Lidje e 1987.
I n' djåzéve nén voltî walon e societé.
Di s' mestî, il esteut prof d' itålyin a l' Univiersité d' Lidje. Il a ratourné e walon des scrijheus k' eployèt des lingaedjes diléreces di l' Itåleye.
[candjî] Hårdêyes difoûtrinnes
- Si pådje sol waibe di l' SLLW (e francès)
- Onk di ses scrijhaedjes so l' Aberteke (rashiou e rfondou)
- Sacwants d' ses scrijhaedjes sol waibe des SLLW-îs (e sistinme Feller)
- On corwaitaedje da sinne so les belès letes e walon (e francès)
