Boussu-dlé-Mont (veye)
Èn årtike di Wikipedia.
Boussu-dlé-Mont (F. Boussu-lez-Mons), c' est èn ancyin ptit ban del Walonreye divnou intité.
Ådvins |
- Limeros del posse :
- asteure : 7300.
- davance : 7360.
- limero diyalectolodjike : Mo 39.
- Etimolodjeye et vî(s) scrijha(s) : loukîz e splitchant motî.
Dimorants :
| 19inme sieke | 20inme sieke |
|
|
[candjî] Istwere
[candjî] Hôte Moyinådje
El moyinådje, gn aveut deus signeurs a Boussu: on layik et l' ôte, l' abé d' Sint-Guilin. Li signorreye layike, c' esteut on fî del conteye di Nameur. Mins ele divna leye-minme ene conteye, d' ene ordonance da Tchårlukin, e 1555. Li signorreye di Sint-Guilin, k' esteut eto redîmåve sol pårotche dispu 1079, aveut l' ôte boket, la k' gn aveut l' Bwès d' Boussu. Les deus signeurs manaedjént eshonne l' ospitå d' Anton, askepyî e 1194.
[candjî] Gueres des 15inme et 16inme sikes
Må metou, tot près del France, li tchestea d' Boussu va sovint esse å mitan do djeu d' beyes. Louwis XIV î dmora tins d' l' esseraedje di Sint-Guilin e 1655. Après, li govierneu des Bas-Payis, Don Juan d' Otriche va mete li tchestea come disfinse di Sint-Guilin. E 1675, les Francès s' endè rindnut co on côp mwaisses, et vont disbrôler les ahesses di disfinse.
[candjî] Industreyes
[candjî] Hoyires
On saetche al hoye dispu l' 13inme sieke e Bwès d' Boussu. E 1746, on-z emantcha la li prumire pompe po poujhî les aiwes foû des fosses. E 19inme sieke, gn è va aveur on deujhinme viyaedje drola, avou deus pototches : sint Tchåle sikepieye e 1878 et sint Djôzef e 1891). Les dierinnès fosses ont seré e 1961.
[candjî] Pititès industreyes
Bråmint des ovroes e 19inme sieke et disk' al guere di 1940-1945 : botikes di fier, brictreyes, soucreyes, bressene, veulreye, cristalreye.
[candjî] Botikes di handele
E 19inme sieke, Boussu va divnou ene pitite veye comierçante, bén metowe inte Mont et Valinchinne sol novele voye k' a stî drovowe so France e 1750.
[candjî] Administråcion
- Ancyin Redjime : Conteye do Hinnot, prevoté d' Mont
- Redjime francès : depårtumint di Djmape; divént mwaisse-viyaedje di canton.
- Redjime holandès et bedje: Province do Hinnot, arondixhmint d' Mont.
- Diyoceze di Cambrai, pu d' Tournai (e 1802).
