Crexhoûles
Èn årtike di Wikipedia.
des crexhoûles (on dit eto des crexhinces, des crexhances u des forcrexhances), c' est des glandes linfatikes inflêyes, ki vnèt come des nuketes metowes dizo l' pea et k' on hape tins del crexhinne, u dins des maladeyes.
Les crexhoûles sont diferinnes des glandes inflêyes dins li ptizeye (adénite scrofuleuse).
[candjî] Cåze des crexhoûles ôrdinaires
Les crexhoûles ôrdinaires, sins grosse maladeye, c' est purade les efants et les ptits djonneas k' els atrapèt. Elle evont sins leyî d' måke so 15 djoûs troes samwinnes. On rtrove padecô des passêyes antidjenike d' ene pitite atake på citomegalovirûsse.
[candjî] Les crexhoûles dins les maladeyes d' on boket do coir
On-z atrape des crexhoûles pus hôt dins l' prumire glande linfatike ki rçût li linfe do boket do coir k' est malåde. Metans:
- a l' axhele cwand on-z a on må dins les bresses u ås sins po les femes (maladeye des gretes di tchet, magnant må do sin).
- a l' awinne del djambe cwand on-z a on må dins les djambes u les pårteyes.
- å cô.
- dizo l' badjawe (matchureas).
[candjî] Les fives ås crexhoûles
C' est des maladeyes des djins u des biesses avou del five et des crexhoûles.
- Five ås crexhoûles des vatches.
- fives ås tripanozomes.
