Dåvdisse (viyaedje)
Èn årtike di Wikipedia.
Davdisse (fr: Daverdisse, so plaece Davdisse) est èn ancyin ptit ban del Walonreye, rebané avou troes ôtes po divni ene intité do minme no.
- Limero del posse: 6929 (vî limero 6923)
- Limero diyalectolodjike: Ne 10
- Eplaeçmint sol Daegn : 50° 00' 55 N - 5° 07'12 E.
- Dimanants : 335 (1893)
- Vîs scrîjhas : Daverdeus (1148);Davredich (1364);Davreduche (1398 et 1416);Daverduys (1420); Duvreduche (1465); Daverdice (1479); Avredis (1488); Davredis (1493); après, on trouve Averdis et Daverdis, pî Daverdisse.
- Sipotaedje des djins : les cosins.
- Eglijhe : du 1847, rutapéye an 1886. Fwârt bê retable ou mwêsse-åté. Paroche di Welin jusk' an 1803, pî du Rdu, pou duvnu sucursale an 1835. Adon, la tchapèle tunot ou tchèstea, tout come la çmintîre vèjine, ki n'è nin tchandjî d' place.
- Patron : Sint Pîre.
- Ecarts : Cinse du Mohymont.
- Sourdant: Tandel.VI b
[candjî] Histwere
Apindice dul villa du Welin, dunéye à l'Abèy du Stavlot pa Carloman an 746. Prèmîs sègneurs du Davdisse, an 1330, aparintés ås sègneurs du Welin. Passe al måjhon des Vervoz duvè 1530-1540. Lu viyaedje soufure bramint duvè 1635; i dot lodjî et nourî dèrant 7 mwès ène compgnie du cavalrîe, 4 réjimants du Prince du Lorin.ne et in réjimant de Visconti. Ostant dire k'après çà, i n' dumèrot pus wêre yôk ou viyaedje. Les manants ont dvu vinde les drwats k' il avint su Mohymont. Après, Davdisse passe å mwins du Perpéte Jacquemin, Ignace d'Argent, de Gérardin et pou fini, ås mwins des Monin-Rendeux. Lu domin.ne, après ku tchestea è brûlé an 1829, è sté finalmint vindu: les bwès, al comune, les tchamps, å djins du viyaedje. Lu dêrin sègneur n' avot surviké ku 2 mwès ou sinisse.
[candjî] La Cinse du Mohymont
Arière-fî du Mirwåt et d' Viyance, avu 475 Ha. du bwès et 45 Ha du tchamps et prés, La Cinse du Mohymont è lodjî, du 1834 à 1848, lu Prince Napolèyon Bonaparte, lu cousin du l' Ampreur Napolèyon III.
[candjî] Tchitchron
C'est in ptit rouchê, mitan su Pwâtchrèce, mitan su Davdisse, ène anclave atère lu ban du Welin et le ban d' Grêde, ki fjot partie du Wandelaicus mansus an 764. Après in kilomète, i rdjont l'aiwe du Lesse nin lon du pont des cochètes. Les troûtes î vnat froyî vlatî et des batchs ont sté amènadjîs pou sawè les compter.
