Jean-Claude Van Cauwenberghe
Èn årtike di Wikipedia.
Jean-Claude Van Cauwenberghe (pus coûtmint lomé Van Cau) a skepyî a Tchålerwè li 28 d' avri 1944. C' est on politikî walon, k' a stî mayeur di Tchålerwè, pu prezidint do Pårti Socialisse. Di 2000 a 2006, il a stî prezidint del Redjon Walone. E 2004, il î aveut stî rlomé on deujhinme côp, normåldimint po disk' a 2009, mins, e 2006, i s' a sintou oblidjî d' leyî s' plaece a Elio Di Rupo, di cåze do herleme des lodjmints sociås (Walonreye, 2006).
C' est onk des prumîs politikîs k' a djåzé e walon dins sacwants raploûs oficirs, et ki n' a måy catchî k' il esteut foirt binåjhe do ravicaedje do walon. Il a-st aprin l' walon el rowe, a Tchålerwè, cwand esteut roufion.
E 2004, i rçuva les wangneus do Pris do Coirneu a l' Elizete.
Di s' mestî, il esteut pårlî.
[candjî] Cårire politike
- 1977-1983 : Pårlumintî
- 1983-1995 : Mayeur di Tchålerwè
- 1995-1999 : Minisse do Budjet, des Finances, di l' Eploye eyet del Formåcion å govienmint walon eyet Minisse do Buddjet, des Finances eyet del Fonccion publike del Cominålté francesse
- 1999-2000 : Minisse do Budjet, di l' Ekipement et des Travôs publiks å govienmint walon
- 2000-2005 : Prezidint do govienmint walon.
