Libe Beldjike (gazete e francès)
Èn årtike di Wikipedia.
Li Libe Beldjike, c' est come ça k' on lome e walon ene gazete e francès ki s' houke podbon La Libre Belgique, et, pus coûtmint, la Libre.
Elle est eplaideye a Brussele.
C' est (avou Le Soir), ene des deus gazetes bedjes francofones les pus léjhowes el Walonreye ey a Brussele. C' est ossu les pus rlomêyes eternåcionålmint
Ådvins |
[candjî] Clintcha politike
Li Libe Beldjike, c' esteut, å cminçmint, ene gazete catolike, sovint sol minme wachlire kel gazete flamindje "De Standaart". Elle a divnou pus å lådje dispu 1999.
Divant ciste anêye la, elle esteut eto foirt franskiyonde, et taper sconte des Walons et del Walonreye. Mins ele s' a ene miete amidré so ç' pont la, copurade so ses pådjes redjonåles.
[candjî] Sikepiaedje del gazete
Li Libe Beldjike a skepyî e moes d' fevrî 1915, tins del guere 1914-1918. Les askepieus, c' esteut les frés Louwis eyet Victor Jourdain, ki vlént dner des noveles ås Bedjes, sins esse controlés pås ocupants (et n' nén fé come li gazete La Belgique ki, zels, fijhént avou ls Almands). Did la si no di "Libe Beldjike".
Les frés Jourdain morît sacwantès samwinnes divant l' armistice, mins leu bouye fourit rprinjhe pa Djôzef et På Jourdain, les deus fis da Victor.
[candjî] Saetchaedje
E 1959, li gazete esteut saetcheye a 190.000 egzimplaires. Ci fourit s' pus hôt tiraedje.
E 1999, ele rexheut a 68.000 egzimplaires.
