Må d' araedje
Èn årtike di Wikipedia.
Li må d' araedje (on dit eto: li raedje u l' araedje), c' est on må ki s' prind, ki pout ataker totes les biesses a tchôd sonk, et les djins avou, ki l' cåze c' est on virusse ki distrût li cervea.
Ådvins |
[candjî] Istwere do må d' araedje el Walonreye e 20inme sieke
Li minêye di må d' araedje k' a cmincî diviè 1965 el Walonreye esteut apoirtêye pa les rnåds, et aveut pårti d' Pologne.
Ele n' a måy passé Mouze.
On-z a cmincî a mete les plokes ås rnåds conte l' araedje diviè 1975.
[candjî] Li må d' araedje et l' istwere di sint Houbert et do Bork
Sint Houbert, ki s' coir a stî amoenné å Bork, e 874, on-z a volou k' i médyîxhe li må d' araedje. Eto, des pelrins di l' Urope etire fijhént li perlinaedje a Sint Houbert d' Årdene.
[candjî] Li må d' araedje dins l' lingaedje walon
[candjî] Les ratourneures
Va s' prinde li må d' araedje: Va-st å diale.
[candjî] Les stindaedjes di sinse
ene araedje, c' est eto on disdut avou ttafwait cou dzeu cou dzo, avou bråmint do brut. Kéne araedje al såle, cwand ont cmincî a s' margayî.
[candjî] Askepiaedje di noveas mots
L'adjectivire k' araedje a radmint volou dire "bråmint". Elle a stî télmint eployeye k' ele s' a etroclé, et divni l' adviebe carape, pu si parint carapmint.
[candjî] Senes do må d' araedje ås vatches
Li vatche k' a l' må d' araedje boerlêye tofer, et gleter, et cabalancî do drî. Cwand on lyi mostere on tchén, ele bôre dissu. Padecôps ele presse. Après on djoû u deus, ele toume djus, sins s' poleur rilever. Ele creve divant 6 djoûs, a pårti do prumî sene.
 |
 |
| Eraedjeye vatche ki boerlêye (a hintche) et ki bôre so on tchén (a droete), tos poirtraits saetchîs pa Mohammed Soleih. | |
[candjî] Aspaitchance do må d' araedje
[candjî] Lûte siconte des rnåds
On-z a gåzé les terêyes di rnåds e 1968. On waitive di trover tos les trôs d' rexhowe, pwis on les ristopéve, soeye-t i avou ene grosse pire, soeye-t i avou del tere et des waezons. Après ça, on stritchive li gåz på dierin trô po-z esse seur di stofer tot çki vikéve didins. Mins on touwéve dipus d' taessons ki di rnåds, ca les rnåds avént skifté evoye.
[candjî] Lûte siconte des tchéns
E Rwanda, on schavéve des grandès fosses, et-z î tchessî les tchéns k' î crevént.
El Walonreye, divinltins, on fjheut parey et tchessî les tchéns dins des fondreyes, come li fondreye ås tchéns di Nîme, k' end a wårdé l' no.
