Mariette Vignette
Èn årtike di Wikipedia.
Mariette Vignette (ki sinéve eto Mariette Paque, u Mariette Paque-Vignette, c' est ene sicrijheuse e walon k' a skepyî a Rocoû li 14 di may 1921.
Ele sicrijha des arimeas, ene rimêyès pîce di teyåte et des tchansons e walon ("nos tchvås").
Diviè 1968, elle eplaida ene ramexhnêye d' arimeas, "Coixheure", et rascode des pris avou. E 1969, ele rexhe ene (rimêye) pîce di teyåte "A l' esprindåjhe" k' a rascodou l' pris Djôzef Derbu pol minme anêye.
Après, on piede si rote. Co ene k' a passé come li stoele a cawe ezès belès letes e walon.
Elle est rprinjhe dins l' antolodjeye Fleurs diyalectåles et dins l' Antolodjeye Scrire.
Di s' mestî, elle esteut contåbe et comi-voeyaedjeuse.
Ådvins |
[candjî] Corwaitaedje tecnike
[candjî] Les tinmes da Mariette Vignette
Tos les bokets di "Coixheures" mostrèt felmint on grand penin, dandjreus des amours k' ont må tourné.
Dins l' boket "Gayete", ele mostere k' elle est tchokêye påzès cis ki baltént les noers, a cåze di leu pea, tot lzî djhant "Va s' ti laver !, t' es tot noer"
[candjî] Li cogne des arimeas
C' est del powezeye foirt libe, des côps sins rimes (Mi batea…)
C' est sovint des courts powinmes, mins totes sôres di pîtaedjes et totes sôres d' adjinçnaedjes.
[candjî] Onk des pus beas rimeas : gayete
- Vos endè sovnoz vs ?
- Vos l' avîz lomé "Gayete"
- Vos sovnoz vs
- Di s' pôve pitit vizaedje,
- Tot noer
- Di ses grands ouys pierdous
- Et di s' tiesse di boubou ?
- C' esteut l' Sint-Nicolai…
- Rawårdéve, lu, gayete
- Å fén coron del classe.
- Rawårdéve k' on lyi dnaxhe
- Kékes boubounreyes.
- Vos l' avîz-st ahonti
- Tot lyi dnant ene savonete.
- Il a tant ploré, gayete,
- Tant ploré.
- Pu, il a ndalé, l' gayård,
- Avou s' frake di sôdård
- Il esteut bea
- Bea
- Pol prumire feye,
- E vosse classe
- On-z a ramoenné ses cindes…
- Et
- Pol prumire et dierinne feye,
- Vos n' l' avoz pus lomé "Gayete".
