Motî:soyî

Èn årtike di Wikipedia.

soyî (codjowaedje) [v.c.]

1. ricôper do bwès, del pire, do fier, evnd, avou ene lame avou des dints. Di l' åmatén, Penêye copele Sint Djôzef po soyî des waires et des sômîs a mezeure (J. Lahaye). Il a soyî ene coxhe do cerijhî ki barlokéve divant l' finiesse. F. scier. >> soyî å bwès: esse soyeu di s' mestî. >> soyî les coisses (da ene sakî): el fé assoti tot lyi djhant todi les minmès biestreyes.

2. djouwer (do violon). C' esteut on prumî po soyî do violon. F.jouer.

3. fåtchî. C' esteut èn araedjî four a soyî (ramexhné pa L. Remacle). >> cwand l' blé est soyî, el fåt rintrer: i n' fåt nén tchicter cwand ene sacwè est presse. Franwal: ahåyant po: quand le vin est tiré, il faut le boire.

4. fé araedjî (ene sakî) tot s' plindant todi, evnd. Li ci ki s' plind a tot moumint, po fini, i soye les djins et on l' lome on breyåd u ene breyåde (D. Vanderstoken).

| soyaedje [o.n.] no d' fijhaedje et no di çou k' est fwait (accion eyet si adierça) pol viebe "soyî". Dins les virêyes, gn aveut co l' soyaedje des djniesses k' avént rdjeté li troejhinme anêye. F. sciage, fauchage.

| soyeu, soyeuse u soyresse [o.f.n.] li ci (cene) ki soye. F. scieur, faucheur. >> soyeu d' long: li ci ki soye les tronces dins l' sinse del longueur, po fé des plantches, des tchvirons, evnd. >> soyeu å bresse: soyeu d' long did dinltins ki soyive al mwin avou on fier. >> soyeu d' violon: violoneu.

| soyreye [f.n.] oujhene la k' on soye des tronces d' åbes. F. scierie.

| soyant, soyante [addj. & o.f.n.] onk (ene) ki vs soye les coisses. Al fén, i divnént soyants avou leus mariminces di rossea tchén (Emile Gilliard). On dit eto: pelant, haeyimåve. F. emmerdeur, importun.

| soye 3 [f.n.]

1. soyete. F. scie. >> totafwait va come on coron d' soye: gn a rén ki va.

2. soyante djin. On dit eto: pelant. F. emmerdeur, insupportable.

| soyete [f.n.]

1. pitite usteye po soyî. Avou l' pixhot, on-z ecråxhive les soyetes. Loukîz a : rifindrece, ricepe; riceprece. F. scie.

2. grosse machine po soyî l' fier. Dins l' prumî atlî, ci n' esteut k' des soyetes, des pilos, des fors, des presses al wapeur (L. Sohy)

| soyrece [addj. todi padrî] a vey avou l' soyaedje. >> fagne soyrece: fagne k' on-z î pout aler fåtchî å four. F. fange fauchable.

Mots d' aplacaedje :