Walonreye oficirmint francès-cåzante
Èn årtike di Wikipedia.
Li Walonreye oficirmint francès-cåzante, c' est li stindêye del Walonreye la kel lingaedje oficir, c' est l' francès.
I s' adjixh del Redjon walone, sins l' kiminålté tîxhon-cåzante di Beldjike (9 comenes åtoû d' Neyow).
Udonbén, li Walonreye oficirmint francofone, c' est l' kiminålté Walonreye-Brussele sins Brussele.
Tos les djins del Walonreye oficirmint francofone savèt l' francès, mins l' cåznut å pus sovint avou les piceures do francès d' Beldjike.
Gn a sacwantès comenes del Walonreye oficirmint francès-cåzante la k' les Flaminds ont des åjhminces po studyî e neyerlandès : Comene-Warneton, Indjî, Flobek, Moucron.
[candjî] Lingaedjes do payis del Walonreye oficirmint francès-cåzante
Les lingaedjes do payis del Walonreye oficirmint francès-cåzante sont manaedjîs på Conseil des langues régionales endogènes.
[candjî] lingaedjes romans
Li pus grand boket del Walonreye oficirmint francès-cåzante a des lingaedjes do payis di stok roman; c' est çou ki les diyalectolodjisses ont lomé li Beldjike romande. C' est fok so ci stindêye la ki les diyalectolodjikes des faks di romane ont bouté.
[candjî] lingaedjes tîxhons
Sacwantès coines del Walonreye oficirmint francès-cåzante ont des lingaejdes do payis di stok tîxhon :
- del troke do francike del Mozele (lussimbordjwès).
- del troke do francike di Rin (ripuwaryin)
