Limasawa, Southern Leyte

Tikang ha Wikipedia

An Limasawa usa nga ika-unom nga klase nga munisipalidad o bungto ha lalawigan han Habagatan nga Leyte o Southern Leyte ha Sinirangan nga Kabisay-an ha Pilipinas. Ini nga bungto usa nga isla-nga-bungto kay lakip dinhi an bug-os nga isla o puro han Limasawa. Sumala han 2000 census, mayda ini populasyon nga 5,157 ka tawo ha 1,108 nga panimalay.

Sulod 1 Mga Baranggay 2 Yinaknan 3 Ngaran nga "Limasawa" 4 Kasaysayan 5 Mga Sumpay ha Gawas

[igliwat] Mga Baranggay

An Limasawa mayda unom (6) nga baranggay.

• Cabulihan
• Lugsongan
• Magallanes
• San Agustin
• San Bernardo
• Triana

[igliwat] Yinaknan

Binisaya nga Sinugboanon an lumad nga yinaknan ha Limasawa.

[igliwat] Ngaran nga "Limasawa"

Waray opisyal nga esplikasyon kon kay-ano ginngaranan an bungto nga Limasawa. Mayda mga nasiring nga paghalipot daw ini han pamulong nga "lima asawa" pero diri ini sigurado.

[igliwat] Kasaysayan

An Limasawa amo an gintutuohan nga lugar kon diin ginsalin-urog an syahan nga Misa Katolika. Pero mayda liwat mga natuo nga an Syahan nga Misa didto ha Butuan ginsalin-urog.

Han una, an Limasawa kabahin han bungto han Padre Burgos, Southern Leyte. Han Hunyo 11, 1978 pinaagi han Decreto Presidensyal 1549 (Presidential Decree 1549), gindeklara ni Presidente Ferdinand Marcos nga bungto an Limasawa. Pero waray ini ma-implementa dayon. Han 1989 hi Presidente Cory Aquino nagmando hin plebiscito ha Padre Burgos kon angay an Limasawa mahimo nga bungto. An resulta pag-aprobar han daan na ginmando ni Presidente Marcos.

Han 1994 an Acta de Republika 7822 (Republic Act 7822) nga nag-deklara nga zona turista an Limasawa gin-pirmahan ni Presidente Fidel Ramos.

[igliwat] Mga Sumpay ha Gawas

• ELGU nga Websayt mahitungod han Limasawa
• Philippine Standard Geographic Code
• 2000 Philippine Census Information