外蒙古
来自 吴语维基百科
外蒙古是一个搭地理有关个小作品。侬可以通过编辑或者修订扩充其内容。外蒙古末，中国清朝搭民国时期行政区域划分，相对于“内蒙古”。伊个范围除脱今朝个蒙古国，还包括拨前苏联吞并个唐努乌梁海地区。首府为库伦（现在叫乌兰巴托）。
[编辑] 中华民国（台湾地区）立场
1953年2月24号，根据联合国通过个“控苏案”，中华民国立法院废除《中苏友好同盟条约》，拒绝承认“蒙古人民共和国独立”个事实，宣布《[联合国大会决议案505]]》是外交浪个重大胜利。根据“编印我国大陆地区地图注意事项”，一径到1998年版个中华民国全图，里向还有外蒙古地区，中华民国领土顶北界线为外蒙古北部个乌梁海盆地萨彦岭。中华民国中央政府（行政院）原设有部级单位蒙藏委员会，管理“边政”。蒙古特别行政区首府仍为库伦。台北市仍有库伦街搭归绥街（呼和浩特），侪勒到北市西北大同区。
2002年，中华民国行政院搭立法院宣布外蒙古搭中国大陆分离，还勒修订个“编印我国大陆地区地图注意事项”当中要求弄国界线表示外蒙古搭中国大陆个边界，承认蒙古国独立现状。弗过，就算台湾搭蒙古个经贸关系勒近年有较大发展，外蒙古地区地位到现在还有弗清爽个户荡。
[编辑] 中华人民共和国（大陆地区）立场
中国共产党勒到执政前支持国民政府搭苏联签订《中苏友好同盟条约》。原因是苏联是中华人民共和国顶顶主要个援助者，而外蒙古已经勒事实浪脱离中国统治近三十年。中华人民共和国成立过脱呒得多少辰光，1949年10月16号搭蒙古人民共和国建交。1950年中国政府毛泽东主席访问苏联，勒签订《中苏友好同盟互助条约》个辰光承认蒙古人民共和国。1950年7月3号，毛泽东接受蒙古人民共和国首任驻华特命全权大使呈递个国书。1950年代，中国派遣工人到蒙古帮渠建设。
1953年斯大林过辈，赫鲁晓夫上台之后，苏联归还旅大军港搭东北铁路管理权，但是拒绝讨论外蒙古问题。蒙古人民共和国搭中华人民共和国交换地图，划定边界。1960年代中苏决裂初期，蒙古人民共和国想保持中立，但是后首来倒到苏联一海，拿大约匝7000名中国援助工人驱逐回中国。
1980年代中期，中蒙关系缓和。1990年，一个蒙古代表团28年来第一趟正式访问中国。1994年两国签订《中蒙友好互助条约》，表示互相尊重国家主权搭领土完整。
[编辑] 参见
- 蒙古国
- 喀尔喀蒙古
- 外蒙古独立
| 中国 – 中华民族 – 蒙古族 |
| 蒙古 | 内蒙古 | 外蒙古 | 蒙古国 | 蒙古人种 | 蒙古语 |
| 蒙古帝国 | 元朝 | 成吉思汗 | 忽必烈 | 外蒙古独立 |
