昆剧

来自 吴语维基百科

昆剧是明朝中叶辣海江浙一带发展起来个一个剧种，2001年拨联合国教科文组织列为人类口述和非物质遗产代表作。昆剧用鼓、板控制演唱节奏，用笛子、弦子作伴奏乐器。

内容 1 历史 2 音韵 3 音乐 4 六大专业昆剧演出团体 5 名剧

[编辑] 历史

宋朝开始，中国开始有得比较发达个戏曲艺术了。有种人认为中国曲艺是从唐宋辰光和尚传教辰光唱个变文来个，中国曲艺交关伴奏乐器侪跟佛教音乐伴奏乐器搭界。金元辰光北戏发达，不过有得研究者指出，交关元曲脚本才有得“古杭新刊”搿恁几个字，所以了到底是北戏南传还是南戏北传还要研究。 根据《南词引正》，昆剧辣海元朝末年昆山一带形成，明朝辰光昆山腔是四大声腔里向一种。明朝正德、嘉靖年间，魏良辅改革昆山腔，唱词用中州韵，“调用水膜、拍捱冷板”，创造了水磨调。明朝中叶到晚清，昆剧侪是中国影响最大个剧种。昆剧声腔对交关戏曲有得重大影响。

[编辑] 音韵

昆剧唱词“南尊《洪武》，北叶《中原》”，也就是讲唱南曲用《洪武正韵》音，唱北曲用《中原音韵》音。实际浪勿必定搿恁，《洪武》搭仔《中原》两本书侪呒没音标，搿歇辰光语音有种已经变脱了，所以基本浪昆剧北曲除脱咸山摄三分搭仔有搭-m尾搭普通闲话摊板勿大。南曲辣海仄声里向保留吴语个全浊声母，並且有得入声。老式个昆剧南曲仄声清浊声母从来勿混起来，现在有种人提倡“用普通闲话唱昆剧”，搞得来昆剧里向全浊声母大规模清化。昆曲因为是江浙一带个人唱个，所以日母摩擦老重，听上去跟普通闲话勿一样，流摄也是前元音，勿是普通闲话个后元音。南曲里向丑角经常性用苏州闲话。

[编辑] 音乐

昆剧南曲一班性用吴越民歌个五声音阶，北曲用七声音阶。 昆剧曲牌南曲有得2000多种曲牌，北曲有得1000多种曲牌。

[编辑] 六大专业昆剧演出团体

六大专业昆剧演出团体里向5个辣海浊音区。

• 上海昆剧团
• 江苏省苏昆剧团
• 浙江省京昆剧团
• 永嘉昆曲传习所
• 湖南昆剧团
• 北方昆剧院

[编辑] 名剧

• 浣纱记
• 牡丹亭
• 长生殿
• 十五贯
• 琵琶记
• 绣襦记
• 玉簪记
• 西厢记
• 凤凰山
• 红梨记
• 艳云亭
• 金雀记
• 桃花扇
• 孽海记
• 铁冠图