עזריאל טויבער

פֿון װיקיפּעדיע

ר' עזריאל טויבער שליט"א, איז דער עלטסטער ברודער פון ר' אבא חייא טויבער שליט"א, ער איז געווען אמאל א גרויסער ביליאנער פון ריעל עסטעיט. אבער האט זיך אריינגעלאזט אין עסקנות צו בויען אידישקייט און האט אלעס פארלוירן און אנגעזעצט, היינט איז ער א בלוטיגער ארימאן.

ער האט אנגעהויבן זיין קעריערע פון עסקנות און פילאנטראפיע אין מוסודת וויניץ מאנסי, דערנאך איז ער געווארן גרויס אין סקווירא, ער איז געפלויגן פון ביידע פלעצער ווען ער האט צופיל איינגעטיילט פאר די אדמורי"ם, און ער האט גענומען זיין עשירות אויפצובויען אייגענע מוסודת, אונטערן נאמען מכון להוראה האט ער געגרינדעט א ישיבה און כולל, די כולל איז היינט צוטאגס אן אנערקענטער בית דין אין מאנסי אונטער די אנפירערשאפט פון זיין אינגעסטער ברודער ר' יחיאל טויבער שליט"א. און די ישיבה איז געגאנגען צום מנהל ר' אשר זעליג גרינבערגער אין מאנסי. מיט איר נייעם נאמען שערי אפרים אויפן נאמען פון ר' אפרים אשרי ז"ל דער רב פון בית המדרש הגדול וואס ער איז דער שווער פון גרינבערגער.

אבער זיין איין איינציגער מפעל שלהבת שטייט נאך דאס האט ער געגרינדעט צו בויען אידישקייט איבער די וועלט דורך מאכן בעלי תשובה.

שלהבת האט א בית המדרש אין מאנסי, און ארגאנאזירט שבתון'ס איבעראל.

ער האט געשריבן פיל ספרים אויפן ענגלישן שפראך אויפן סטייל פון זיין רבי ר' מיכאל בער ווייסמאנדל און באזירט אויפן מהרל מפראג, דאס איז שוין איבערגעטייטשט אויף פילע שפראכן, און דאס צינד כסדר אונטער אסאך אידן דורכאויס די וועלט צו אידישקייט.

זיינע טעיפס פארקויפן זיך פאר אסאך געלט.

היינט צוטאגס איז ער פארנומען ארום צו שפרייזן אין אלע מקומות הנדחים אוואו עס געפינען זיך נאר אפ א קבוצה אידן, איבערהויפט אין ארץ ישראל זיי צו מקרב זיין צו תורה ומצוות, ער איז א פייערדיגער רעדנער וואס קען רעדן זעקס זיבן שעה און א ציה און האלטן צוגעשמידט דעם עולם צוהערער מיט דראמאטישע עמאצינאלע מעשיות און משלים מיט פלאם פייערדיגע רעיונות.

זיין איידעם איז הרב ר' יצחק אלעזר מאסקאוויטש פון מאנסי. און האט א שטוב מיט קינדער אלעס שוין חתונה געמאכט וואס זענען רבנים און גרויסע גבירים.

ער איז א פאפא חסיד.