שלמה קארליבאך
פֿון װיקיפּעדיע
שלמה קארליבאך (י"ח טבת ה'תרפ"ה - ט"ז חשוון ה'תשנ"ה) איז געווען גאר א גרויסע ניגונים קאמפּאוזער, געלערנט אין בית מדרש גבוה ביי הגאון ר' אהרן קאטלער זצ"ל, און פריער ביי הגאון ר' שלמה היימאן זצ"ל אין תורה ודעת, נאכער געווארן א חב"ד'סקער חסיד.
אין חב"ד האט ער אנגעהויבן צו מקרב זיין פרייע אידן צו זייער רעליגיע און טראדיציע דורך פארציילן מעשיות און זינגן פאר זיי, צוזאמן מיט זיי טאנצענדיג און אריינדרינגן אין זייער נשמה.
אזוי ווי ער איז געווען א בחור און זיך געמישט מיט מיידלעך בשעתן זינגן, האט אים זיין רבי און פירער, דער לובאוויטשער רבי פארבאטן אז ער טאר מער נישט זינגן פאר קיין געמישטע אוידיענסן, ער האט אבער זיך נישט געקענט צוריק האלטן זאגנדיק אז ער טוט אויף דערמיט זייער אסאך האט ער זיך צושיידט פון חב"ד און געווארן א ראביי פאר זיך פירענדיג א קהילה פון איינגעזאמלטע היפיס אין סאן פראנציסקא קאליפארניע.
זיינע ניגונים ווערן געזינגן אין אלע אידישע פרומע חסידישע הייזער און שמחות.
געהאט צוויי טעכעטער "אסתר נשמה טהורה", און "חנה נדרה נפשי" און געווען אפגעטיילט פון זיין ווייב "נעילה".
ער האט מקרב געווען טויזענטער רחוקים צו אידישקייט, און ווייל אין יענע צייט איז די היפי מאוומענט געווען זייער גרויס, איז ער אריין אין זייער טיפעניש, און זיי ארויף געשטיפט צו העכער'ס, און זיי זענען געווארן נאנט מיט אים פון זיין שיינע שטימע און הארציגע ניגונים, ער פלעגט קענען זיך קושן און האלזן מיט היימלאזע שמוציגע שטונקעדיגע מענטשן ווארשיינליך צוליב זיין אומגלויבליכער ליבשאפט פאר אנדערע, און צוליב זיין עקסטרעמע ליבשאפט צו גאט'ס באשעפענישען, איז זיין דרך געווען זייער קאנטירווערסיאל, און איז נישט געווארען אנגענומען אין די אלגעמיינע חסידישע געמיינדעס, כאטש ער איז געווען זייער מקורב ביים אמשינאווער רבי זצוק"ל, וואס האט זיך אמאל אויס געדרוקט צו זיינע חסידים אויף אים "דער יוד וועט האבען מער עוה"ב, ווי וואס עטץ מיינטס אז איך וועל האבען".
[בעאַרבעטן] דערוסענדגיע לינק
שלמה'לע לייוו ביי די עבודת הקודש אין הייליגן טאג הושענא רבה מיט די נענועים פון לולב און אתרוג
