Alfred Rossel
Us der alemannische Wikipedia, der freie Dialäkt-Enzyklopedy
Alfred Rossel (* 6. März 1841 z'Cherbourg, † 17. Dezämber 1926 z'Cherbourg) isch e normännischer Folklorischt un Liedermacher gsi. Er isch z'Cherbourg im Norde vum Cotentin uf d'Wält cho un isch dr erschti Author usem Cotentin gsi wo uf Normännisch dichtet het. Syn erschtes Lied La Mi-Carême hetter 1872 gschrybe. S'handelt vum Zämmeträffe vo Dorf-Fraue z'Cherbourg:
- I's'couéff'ront d'lû belle coumète
- Té, d'tan capet à lerges bords
- Pour les condir, prends la quérette;
- L'malheux, ch'est qu'o n'a pé d'ersorts.
E bsundres Merchmol vo syni Lieder isch dass sich s'gsungene mitem gsprochene vermischt. Dr Alfred Rossel isch scho zu Läbzite populär gsi. Zu syni bekannteschti Lieder ghöre Une foire à Bricquebec, Le boun baire, Au mais d'Avri, Fo qu'no s'embrache, un Les Goublins. D'Lieder hen meischtens lokali Theme.
Syni Lieder sin vum Charles Gohel gsunge worre un syni Veranschtaltige hen mangmol mehreri tuusig Lüüt aaglockt. Syni Lieder sin immer no populär, vorallem Sus la mé (Normännisch ufem Meer, uf Französisch sur la mer), wo d'inoffizieli Hymne vum Cotentin isch un vorallem im Norde vum Cotentin immer no populär isch. S'Lied isch so zimli s'einzige Lied uf Normännisch isch wo überrhaupt no öfters z'höre isch un isch sälbscht denne Lüüt ufem Cotentin no gläufig wo eigetlich kei Patouai meh spreche. S'Lied isch sogar emol vorm Papscht Johannes-Paul II gsunge worre.
Sus la mé het viir Strophe, d'erschti isch am bekannteschte. Dr Teggscht handelt vorallem vum Meer un de verschiedni Chüschtestädt vum Cotentin.
Erschti Stroph:
- La mé ch'est vraiment superbe
- Et j'aime byin quaund i fait biâo
- L'étaé souos nos cllos en herbe
- La vei s'endormin eun miot
- Mais quaund o s' fâche la vilaine
- Et qu' no z'entend dé tcheu nouos
- La grosse voué de la sirène
- No z'en a quasiment pou
| Dr Refrain: | Alemannischi Übersetzig: |
|
|
| e andres Byspiil: | alemannischi Übersetzig: |
|
|
