Elz (Schwarzwald)

Us der alemannische Wikipedia, der freie Dialäkt-Enzyklopedy

Dialäkt: {{{3}}}

D' Elz isch e rächte Näbefluss vum Rhi ussem Schwarzwald in Südbade vu öppe 90 km Längi.

[ändere] Flussverlauf

D'Elz entspringt im Gebiit vum Brend un Rohrhardsberg in öppe 1100 Meter Höchi un formt im Oberlauf s'Prechdal. Ihr Quellgebiit isch's gliich wie säll vu dr später d'Donau bildende Breg.

S'Prechdal goht bi Elze in's nochem Fluss benennte Elzdal yber. An Winde vorbi nimmt d'Elz bi Guetach im Brisgau d'Guetach ussem Simonswälderdal uf, durquert Waldkilche, trättet bi Denzlinge in d'Brisgauer Bucht vu dr Oberrhiebini i un nimmt d'Glotter uf. Kurz druf mündet bi Riegel au die us Friburg im Brisgau chummend Dreisam in d'Elz. Nooch Riegel verlosst d'Elz no d'Brisgauer Bucht un fliesst in die eigèntlich Rhiebini.

Nur wänigi hundert Meter nochem Dreisamzuefluss füehrt dr Leopoldskanal schnurgrad in dr Rhi. Säller Kanal endet nordwestlich vu Rhihuse bzw. südwestlich vu Ruest un direkt westlich vum Naturschutzgebiit Taubergiesse.

Degege schlänglet sich die ald Elz dann mit nur wänig Wasser dur d'Rhiebini un mündet no in dr Höchi vu Schwanau, Ortsdeil Allmannswier in dr Rhi.

[ändere] Etymologi

S'Wort Elz leitet sich ussere vor-indoeuropäischè Wortwurzle al/el fer fliessends Gwässer ab, wo us ere mitem baskische verwandte Sproch stamme dürft.

[ändere] Webgleicher

• Interessengemeinschaft-Elz e.v zahlriichi, au historischi Photos
• Luftbilder