Finnische Sauna
Us der alemannische Wikipedia, der freie Dialäkt-Enzyklopedy
D Finnische Sauna isch ä wichtiger vun d Finnischi Kultur. S gibt fünf Millione Bewuhner und yber zwey Millione Saune, im Schnitt eini pro Hushalt. Fyr d Finne isch d Sauna ä Platz um mit Freunde un d' Familie zue erhole un physisch un mental zue entspônne. D' Finne meine, des d' Sauna kei Luxus, sunder ä Notwendigkit isch. Fascht alli Finne hän deheim ä Sauna, odar im Wuhnblock isch eini fyr d' Bewohnar. S' gibt in [[Schwimmbad|Schwimmbäder], in Wuhnheimä und Fitness Schtudios villi öffentlichi Saune. Nomalerwis ischs im Gegesatz zue Mitteleurpäoschi Saune ehar uyblich des Männli un Wibli zômme in d' öffenlichi Saune gih. Meischt gibts do nit getrennti Zyte, sundern nuer getrennti Rejm. D' öffenliche sin immar trennt. D' private werre aber schu in d'Familie un mit Freundi zômme gnutz.
[ändere] Vorgehenswis
Nôchdem my sich nackig uszoge het, nimmt duscht ma sich ohni Seif un gäht den in d'Sauna. D' Saune hen Temperature zwiäsche 60° C und yber 100°C. Obä isch hiisser wiä unte, so kôn ma sich russueche, wiä mas ushält. Ma sot abar obe ôfonge, un sich den runtersetze. D' Schtufe heisse uf [[Finnische Sprache|Finnisch lauteet. Den lähnt ma sich zriik un lost d' Hitz d' Pore öffne un sich so riächtig usschwitze.
D' Schtein ufm Ofe (fin. kiuas) in d Eck sin ziemli heiss un wenn ma als Ufguss Wasser druf schütt (fin. löyly schitte) fillt ä Dampfwolk d gônze Rum. Des macht Sauna subjektiv wärmar. Ma kôn löyly su oft un winig wi ma meecht mache. Nôch zehn bies drissig Minute gäht ma nus un kihlt sich unter d kalti Dusch ab odar hops in d See. Des Prozedere widerholt sich so miendeschtens zweymôl, s' gibt abar kei Bschränkung däzue. Ôm End duscht ma sich mit Seif und Schampoo, ma kônn sich au d gônze Körpar ä halb Schtund bies ä Schtund abschruble, bis allis runtar isch.
Vieli Finne hän ä Summerhit mir 'ra Sauna ôn einim vun dänni tousend Seeä. So kinne s' zwischeduerch odar noch d Sauna im See schwimmä gi. Im Wintar gibts au Verrickti, diä sich ä Loch ins [[Eis|Iis] bohre un in däm iskalte Wasser ä Bad nimme. Normal isch aba, des ma sich im Schnee wälze tuet. Ma nimmt au ä Biindl vu Birkezwig, taucht s ins warmi Wasser und schlôg ä bisl uf sich rum. Des macht d Hout ä schiins Peeling un entspônnt d'Muskle.
[ändere] Ekschterni Syte
- Finland Travel Club sauna facts
- Virtual Finnish Sauna
- The Finnish Sauna society
- Finnish Sauna information
