Gruppe des Periodensystems
Us der alemannische Wikipedia, der freie Dialäkt-Enzyklopedy
Onder eme Groppe vom Periodesystem verstoht mer i de Chemie jedi Spalte vom Periodesystem. Alli Elemänt vonere Groppe hend di gliich Aazahl vo Valenzelektrone ond hend wäg dem gliichi chemische Eigeschafte. Es ged insgesamt 18 Groppe, acht (Groppe 1, 2 ond 13-18) ghörid zo deHauptgroppe ond zäh (Groppe 3-12) ghörid zo de Näbegroppe. I de Näbegroppe send d'Öbergangsmetall iigorndet. Vo obe noch onde stiigt d'Atommasse vo de Elemänt. D'Elektronegativität nemmt ab, de metallisch Charakter nemmt zue. Mehreri Groppene wärdid zo Blöck zämegfasst.
Inhaltsverzeichnis |
[ändere] De Name vo de Groppe
[ändere] IUPAC-Konvention
D'Nommerierig vo de Groppe met arabische Zeffere (1 bis 18) folgt ide göltig IUPAC-Konvention (International Union of Pure and Applied Chemistry) ond sett d'Verwändig vo de alt IUPAC-Konvention ond de CAS-Konvention ablöse.
[ändere] Groppename
Do gwössi Elemänt vonere Groppe ähnlechi chemischi Eigeschafte hend, hend es paar Groppe spezielli Näme.
[ändere] IUAPC alt
I dere Spalte esch die alt IUPAC-Nommere, wo sech uf das so genannte Langerperiodesystem bezieht, aagäh. S'alte IUPAC-System esch in Amerika verbreitet gsi; A esch för die lengg Siite ond B för die rächt Siite vom Periodesystem gstande.
[ändere] CAS-Groppebezeichnig
Vom Chemical Abstracts Service (CAS) bis zom Johr 1986 aagwändeti Benennig, wo sech ufs Kurzerperiodensystem bezieht. D'CAS-Groppebezeichnig esch hött no in Europa wiit verbreitet.
De Buechschtabe A stohd done förd Hauptgroppeelemänt ond B förd Näbegroppeelemänt.
[ändere] Tabälle: D'Groppene vom Periodesystem
| IUPAC-Konvention | Gruppenname | Hauptgruppe/Nebengruppe | IUPAC alt | CAS |
| Gruppe 1 | Alkalimetalle | Hauptgruppe | IA | IA |
| Gruppe 2 | Erdalkalimetalle | Hauptgruppe | IIA | IIA |
| Gruppe 3 | Scandiumgruppe | Nebengruppe | IIIA | IIIB |
| Gruppe 4 | Titangruppe | Nebengruppe | IVA | IVB |
| Gruppe 5 | Vanadiumgruppe | Nebengruppe | VA | VB |
| Gruppe 6 | Chromgruppe | Nebengruppe | VIA | VIB |
| Gruppe 7 | Mangangruppe | Nebengruppe | VIIA | VIIB |
| Gruppe 8 | Eisengruppe | Nebengruppe | VIIIA | VIIIB |
| Gruppe 9 | Kobaltgruppe | Nebengruppe | VIIIA | VIIIB |
| Gruppe 10 | Nickelgruppe | Nebengruppe | VIIIA | VIIIB |
| Gruppe 11 | Kupfergruppe | Nebengruppe | IB | IB |
| Gruppe 12 | Zinkgruppe | Nebengruppe | IIB | IIB |
| Gruppe 13 | Erdmetalle / Borgruppe | Hauptgruppe | IIIB | IIIA |
| Gruppe 14 | Kohlenstoff-Silicium-Gruppe | Hauptgruppe | IVB | IVA |
| Gruppe 15 | Stickstoff-Phosphor-Gruppe | Hauptgruppe | VB | VA |
| Gruppe 16 | Chalkogene / Sauerstoffgruppe | Hauptgruppe | VIB | VIA |
| Gruppe 17 | Halogene / Fluorgruppe | Hauptgruppe | VIIB | VIIA |
| Gruppe 18 | Edelgase / Heliumgruppe | Hauptgruppe | VIIIB | VIIIA |
Zuesätzlech wärdid wäg de ähnleche chemische Eigeschafte oft au d Lanthanoide, ond d Actinoide als Groppe betrachtet. Bi dene werd sukzessiv s'f-Orbital gföllt.
Die no ned gfondene Elemänt mit de Ordnigszahl 121 bis 138 beldit en Groppe wo Superactinoide gnännt wärdet. Bi dene werd die füüft Schale uufgföllt. All die Elemänt send wahrschinlech sehr instabil ond radioaktiv.
