Koptisches Alphabet
Us der alemannische Wikipedia, der freie Dialäkt-Enzyklopedy
S'Choptischi Alphabet wird zumme d'Choptischi Schprôch schrybe bnutzt. Wyl sälle Schprôch usgschtorbe isch un numme nô i dr Choptischi Chylch bnutzt wird, isch d'Verwendig vum Alphabet minimal.
S'Choptischi Alphabet hät sich usem Griechischi Alphabet entwiggelt; vorher isch s'Demotischi Alphabet zumme d'Ägüptischi Schprôch schrybe bnutzt wôre. S'Choptischi Alphabet beschtôht us 31 Buchschtabe; vo dänne hän 24 Griechischi Urschprüng un 7 Demotischi (d'letschti 7). D'7 Demotischi Buchschtabe sin bruucht wôre zumme Luut dôschtelle wo im Griechischi nüt exischtirt hän. Allerdings sin manchi Griechischi Buchschtabe wo Luut dôschtelle wo s im Choptischi gôr nüt git, bybhalte wôre. S'Alphabet wird usserdem vo links nôch rachts gläse, un hät gross un chly Buchschtabe.
S'Choptischi Alphabet isch zerscht vo Heidnischi Pryschter bnutz wôre, schpöter vo dä Choptischi Chrischte, un füer Ä churzi Zit sogar füer alltäglichi Teggscht. Hüt wird s'Choptischi Alphabet numme nô i manchi Chirchebüecher bnutzt un d'Chilche hän i dr Regel ä paar Ischrifte uf Choptisch. D'hütigi Usschprôch isch falsch, wyl sä zum teil ufem Arabischi un zum teil ufem Griechischi basirt. S'Nubischi Alphabet basirt ufem Choptischi Alphabet, au wenn d'zwo Schprôche nüt mitenander z'tue hän.
