Lana
Us der alemannische Wikipedia, der freie Dialäkt-Enzyklopedy
D' Lana isch äs Flüssli wo durch d'albanische Hauptstadt Tirana dure fliesst. D'Lana entspringt ufem Dajti un fliesst vo dört us durch s'Zentrum vo Tirana. Im Zentrum fliesst d'Lana durch e Chanal dure. Vo Tirana us fliesst sä i nordweschtlichi Richtig un mündet i de Fluss Tirana.
Früeher het mer i dr Lana sogar chönne bade, syt 1990 isch d'Lana abr verschmutzt un verbaut worre. Illegali Hüüser (vorallem Beitze) sin am Ufer baut worre un d'meischti vo dänne Hüüser hen ihre Müll dodorch entsorgt dass er i de Fluss keit worre isch. Usserdem sin au no Abwässer ygleitet worre un d'Lana isch zunere Müllkippe verchomme.
Noochdem dr Edi Rama zum Bürgermeischter gwählt worre isch, sin d'illegale Hüüser (nooch mehreri Warnige) abgrisse worre, d'Lana isch gsüübert worre, e nöier Chanal un Brugge baut worre, un d'Grüenflächi wieder hergrichtet worre. Sydem isch dr Fluss zwar au wiider e chlys bitzeli verschmutzt, aber im ganze isch dr alte Zuschtand wiider hergstellt
