Migros

Us der alemannische Wikipedia, der freie Dialäkt-Enzyklopedy

Bild:MigrosLogo.gif

De Migro (offiziell: die Migros) isch e grossi Gnosseschaftschetti, wo vom Gottlieb Duttwiler gründet worden isch.

Inhaltsverzeichnis

1 M-Budget
2 Zahle & Fakte
3 Literatur
4 Weblinks

[ändere] M-Budget

s Migro-Hoochhuus am Limetplatz s Züri.

1996 sind zerschtemol sibezg M-Budget-Produkte ( Migro-Büdsche ) i dä Filiale abotte worde. Zäh Johr spöter stönd grad 380 Artikel zur Uswahl.

Die Idee isch em Migro-Projektlaiter Gianni Lutz 1996 i sinene Ferie z Australie z Sii cho und er het denn em Verpackigsdissainer de uftrag gee, as d M-Budget-Produkt möglichst villig usgsee mönd. Wa use cho isch, isch en aifache Buechstabesolot us grüe, wyss, wenig schwarz und em orangschne Migro-Logo.

Es het 1996 i Australien agfange. Am Migros-Projektleiter sind i sine Feriä verschiedenartige Produkte augfalle, die äusserlich alle gleich usgsend. Zrügg im Büro, het er es Konzept verfasst. M-Budget war geboren und isch im 1996 mit dä erschte Artikeln ind Geschäfte. Da noiji günstigi Produktsortiment isch bi allne beliebt. En Absicht vom M-Budget söll sii, as chinderriichi Familie finanziell entlastet werde sölet, und well mer vo de Riiche spare lernt, gseetmer au die fliissig M-Mudget Produkt chaufe. Natürli isch die Idee me drum entsptande, well dozmol die dütsche Grosiste Aldi und Lidl hend aagfange i de Schwiz Filiale zeröffne und so dur d Medie en Druck uf die schwizerische Grossvertailer usgüebt worden isch.

Sit de Iifüerig im Joor 1996 het sich de Umsatz und s Agebot vode M-Budget-Produkt starch entwicklet und de Umsatz het im Joor 2005 ganzi 475 Millione Franke bitrait.

[ändere] Zahle & Fakte

D Zahle und Fakte vode Migro-Gruppe im Johr 2005 (i Chlammere d Veränderig gegenüber em Vorjahr):

Umsatz: 20.385 Mrd. CHF (+ 0.4%)
devo Umsatz M-Budget: 480 Mio. CHF (+ 67%)
Gwünn: 699 Mio. CHF (+ 154 Mio./28.3%)
Agstellti: 81'049 Persone (- 1'223 wege Restrukturierigsmassnahme)
Aigekapitalquote: 9.634 Mrd. CHF oder 57.4% vode Bilanzsumme (+ 7.9%)
Filialnetz: 590 Standort (inkl. Fachmäärt und Usland)

[ändere] Literatur

Katja Girschik, Albrecht Ritschl, Thomas Welskopp (Hrsg.): Der Migros-Kosmos. Zur Geschichte eines aussergewöhnlichen Schweizer Unternehmens. hier + jetzt, Verlag für Kultur und Geschichte, Baden 2003 ISBN 3-906419-64-9
Sibylle Brändli: Der Supermarkt im Kopf. Konsumkultur und Wohlstand in der Schweiz nach 1945. Böhlau Verlag, Wien 2000 ISBN 3-205-99264-4
Alfred A. Häsler: Das Abenteuer Migros. Migros Genossenschaftsbund im Verlag der Migros Presse, Zürich 1985