Mittelland (Schweiz)
Us der alemannische Wikipedia, der freie Dialäkt-Enzyklopedy
Ds Mittuland biudet näbem Jura u de Aupe eini vo de drü Grosslandschafte vor Schwyz u macht öppe 30 % vor schwyzerischer Landsflächi us. Es umfasst ds teus flachi, wytgehend jedoch hügligi Biet zwische Jura u Aupe u liegt im Mittu uf erer Höchi vo 400 bis 600 m ü. M. Es isch die wytus am dichtischti bsiedelti Region vor Schwyz u derdür ou wirtschaftlech u verkehrstechnisch dr bedütendschti Grossruum vom Land.
