P27
Us der alemannische Wikipedia, der freie Dialäkt-Enzyklopedy
P27 us Basel sin aini vo de erschte Rap-Gruppe us dr alemannische Schwytz. "Murder by Dialect" (1991) vo P27 isch s erschti Rap-Lied gsi mit Rym uf Schwytzerdütsch, und zwor vom Black Tiger. Das Lied isch uf em zwaite Fresh-Stuff-Säämpler usekoo. Im glyche Joor isch ir Debü-Album "Overdose Funk" erschine. D Täkscht sin zum Dail uf Baseldütsch und zum Dail uf Änglisch gsi. Iri zwaiti CD Jetzt funkt's aa isch drey Joor schpöter usekoo, mit Täkscht uf Schwytzerdütsch und sogar uf Hochdütsch. 1999 hän si ir dritts Album usebrocht.
[ändere] Mitglider
- Sken (nume uf der erschte CD)
- Skelt!,(immer mit Ussruefezeiche gschriibe)
- Tron
- DJ Radikkal alias Vasi (nümme drby)
- Dj Drozt (sitt Aafang drby - Haupt-dj sitt 1999)
[ändere] Diskografyy
- 1991 Overdose Funk
- 1994 Jetzt funkt's aa
- 1999 Dr einzig Wäg
