Wikipedia Diskussion:Stammtisch
Us der alemannische Wikipedia, der freie Dialäkt-Enzyklopedy
Es isch ganz luschtig, einischt es par Wikipeidiasyte uf "Alemannisch" aazluege. Aber globit nid öppe, das "Alemannisch" syg eso ne glychmässigi, homogeni Sprach, wo me für alli glych chönn schrybe. Öie gmischte Salat, wo dir da zeigit, nützt allwäg üser Sprachgruppe weeni bis gar nüt. So cha me das würklech nid mache - schad. Aber das zeigt einisch meh, wi differänziert die alemannische Dialäkt sy. Mir schynt, i dene Dialäkt sött me nume Literatur us em ängere Sprachgebiet bringe u Diskussione um Dialäktfrage us änge Sprachregione - u die recken i der Schwyz allwäg niene hundert Kilometer wyt. Wär öppis Angersch meint, kennt d Sach nid. Also, überlegit di Sach guet u tüet nech erkundige. I danken Ech glychwohl vil Mal für Öie Muet, wenn i mi ou echly ergere u glychzytig lächlen uf de Stockzähn (woni gar nümme ha). Öie böbi.
- Wär öppis anders meini, kenni d Sach nid? Öppis anders als was? Als das di ängere Sprachregione niene wyter göh als hundert Kilometer? Da stimm i gärn zue. Als das nume Literatur u Dialäktfrage sölle behandlet wärde? Da chan i überhoupt nid zuestimme, das dörffen nämlech alli sälber entscheide, und offesichtlech git's ere gnue, wo da en anderi Meinig hei, wi me ja a däm Projekt und a ähnleche Dialäktwikipedias cha gseh. ― j. 'mach' wust | ✑ 10:10, 27. Aug 2006 (UTC)
Do wo i härkomm, schpricht ma "Schtammtisch" mit ludere "d" us, also "Schdammdisch". Isch nur so ä Vorschlag. - Kardoffelbuffer_1 -
- Ja, d Ussprach e Disch isch wyt verbreitet. I ha mi aber bis itz geng vergäbe gfragt, was ächt der Ussprachunterschid zwüsche Stamm u Schdamm söll sy. Myni Vermuetig isch, es handlet sech ehnder um ne Konvention vo dene, wo der Buechstabe t überhoupt nümm wei bruuche, als um nen Ussprachunterschid. I bi mer das aber nid sicher. -- j. 'mach' wust ☞ ☏ 13:06, 20. Nov. 2006 (CET)
