Wikipedia:Tour/3
Us der alemannische Wikipedia, der freie Dialäkt-Enzyklopedy
 |
Wikipedia-Tour | |
| zryck | 1 | 2 | 3 | 4 | 5 | witer |
Yber Suech, Index odr Kategorie bisch du also jetzert biem Artikel glôndet – was machsch dämit? Ôn derre Schtell wolle ma nochmôl ä paar Wort zuem Konzept vum Wikipedia voliere.
Wikipedia isch ä Enzyklopädy, wue nit vun 'ra bzahlte Redaktion, sundern vun Freywillige in nem offene Redaktionsprozess gschriebe wird. Alli Artikel kinne ohni Ômeldung vun jedem gändert werre - zuem Guete wia au zuem Schlechte. Sowohl theoretisch als au praktisch ischs jedarzyt möglich, in bm Wikipedia-Artikel Unsinn niezueschriebe. Trotzdem bschtäht Wikipedia in de Mehrzahl nit us Unsinn, sundern us bruchbare Artikel, wue kommerzielli Pendants s Wasser reiche kinne. Problematisch bliebt: Man kônn ebe niä gônz sicher si, ob de Artikel, wue ma vor sich het, vun nem Meischter vofasst worre isch oder ob ä glôngwielter Schüler im Computerunterricht grad alli Zahle duerchänander gwirfelt het.
Vieli Lit ziehe dertus de Schluss, das s Wikipedia als Nôchschlagwerk utauglich isch. Diä schicke ma ôn derre Schtell mit de herzlichschte Empfehlunge ä Hous witer. Fyr de Rescht vosueche ma jetzert z erkläre, wiä due d Qualität vun nem Artikel im Wikipedia ischätze kônnsch.
Artikel beurteile
- Yberprief d Fakte, bevor due s in nem wichtige Zômmehong vowende tuesch. S schadet niä, mehreri Quelle ôzluege.
- Lies de Artikel mit wachem Voschtônd - isch de Inhalt in sich schtimmig? Ischs in ôschtändige Alemannisch un guetem Schtil vôfasst?
- Guck dier d Diskussionssyte zuem Artikel duerch (Link Diskussion obe in de Syteleischt). Wird dert Kritik gäussert? Wierd um de Inhalt gschtritte?
- Wirf au ä Blick in d Versionsgschicht (Link Versione / Autore obe in de Syteleischt). Dert siehsch due, wievieli Lit - ob anonymi odr ôgmeldeti Bnutzer - ôn dem Artikel gschafft hen. Bi de ôgmeldete Bnutzer kummsch due yber ä Klick uf de Schpitznôme uf ihri Bnutzersyte. Dert kônnsch due mä yber d Autore rusfinde.
