Wir sind Helden
Us der alemannische Wikipedia, der freie Dialäkt-Enzyklopedy
| Wir sind Helden | |
|---|---|
 Mark Tavassol, Jean-Michel Tourette, Pola Roy und Judith Holofernes |
|
| Gründig | 2001 |
| Genre | dütschsprachigi Pop- und Rockmusig |
| Website | www.wirsindhelden.com |
| Bandmitglider | |
| Gsang, Text | Judith Holofernes |
| Gitarrä | Judith Holofernes, Jean-Michel Tourette |
| Schlagzüg | Pola Roy |
| Bass | Mark Tavassol |
| Keyboard | Jean-Michel Tourette |
Wir sind Helden („Miär sind Heldä“) isch ä dütschi Rock-Pop Band us Berlin, wo vor allem dur d'fantasievollä und kritischä Text vo dr Judith Holofernes bekannt worde isch.
[ändere] Karrierä
D Judith Holofernes isch scho vor dä Gründig vo Wir sind Helden i verschiedene, chliine Klubs vo Berlin uifträtä. Sie hed ai ä äigäni CD uifgnuh, wo Kamikazefliege heisst. Uf der Suächi nach Begleitmusiker hed sie z'Hamburg dä Schlagzüger Pola Roy und dä Keyboarder Jean-Michel Tourette kennä glernt. Dr Mark Tovassol isch später als Bassischt derzä cho und d'Band isch gründet gsi.
Diä erscht Produktion vo Wir sind Helden isch d'EP Guten Tag gsi, wo inerä sehr chliine Uiflag vo nur 3.000 Stück veröffentlicht worde isch. Zersch isch d'Band nur i Berlin bekannt gsi, doch mit ihrem Liäd Guten Tag hend sie's gschafft, ohni Label i diä dütsche Single-Charts zcho.
Äs Jahr später hend sie ihräs erschtä Album veröffentlich: Die Reklamation isch ä grossä Erfolg wordä und heds bis uf Platz 2 dr dütsche Charts gschafft. Im Jahr 2005 isch ihres zweite Album Von hier an blind usecho und isch sofort uf Platz 1 ider dütsche und öschterichischä Charts gschtigä. Ihres nächschte und dritte Album isch für 2007 aakündigt.
[ändere] Bedütig
D Text voder Judith Holofernes gältid als sehr fantasievoll, charmant und speziell. Vili findit, dass d'Liädtexterin sehr guät mit der dütsche Sprach und ihrä Redewändige schpilä cha. Da ihri Text so speziell und voller verstecktä Bedütigä sind, isch es sehr schwirig, d'Liäder scho bim erschtä Ghöre z'verschtah. Luit Fans isch das aber grad s'schöne vo dä Liäder vo Wir sind Helden: Mä entdeckt ai nach mehrmaligem Ghöre immer wieder nüüi Sprachfiinhäite.
I ihrnä Liäder tuäd d'Judith Holofernes sehr vieles kritisch hinterfrage: zum Biispil dä Kommerz, unnützä Fliiss, unnötigi Reglä oder d'Methodä vo dä Musiginduschtrie.
Wir sind Helden gältid als Uislöser vonerä Bewegig, wo anderi dütschi Bands wiä Silbermond oder Juli hervorbracht hed. Im Jahr 2004 isch d'Band mit vier ECHOs uiszäichned wordä, unter anderem ider Kategori "Bescht Newcomer national". 2006 hend sie ä wiiterä ECHO ubercho, dasmal ider Kategorie "Bescht national Rock/Pop-Gruppä".
Der Artikel basiert uf ´ra freie Ibersetzung vum Artikel „Wir sind Helden“ us dr dytsche Wikipedia.
