Zürcher Stadtrat
Us der alemannische Wikipedia, der freie Dialäkt-Enzyklopedy
De Stadtrat isch d'Regierig vo de Stadt Züri und wird all vier Johr gwählt. Es ghöret nüün Mitglieder dezue, wo alli direkt vom Volk mit em Majorzverfahre gwählt werdet. Wenn en Stadtrat zruck tritt, denn gits e Wahl zwüschet em Johr.
Stadträt sind Vorsteher vo de folgende Departemänt:
Präsidium, Schuel und Sport, Polizei, Tüfbau und Entsorgig, Hochbau, industrielli Betrieb, Soziales, Gsundhäit und Umwelt, Finanze.
2005 sind die Lüüt im Stadtrat vo Züri gsi: (nach em Alphabet)
- Elmar Ledergerber (SP), Presidaldepartemänt
- Kathrin Martelli-Kenner (FDP), Hochbau
- Esther Maurer (SP), Polizei
- Robert Neukomm (SP), Gsundhäit und Umwelt
- Monika Stocker (GP), Soziales
- Andres Türler (FDP), Industrielli Betrieb (Erdgas Zürich AG, EWZ, VBZ, WVZ)
- Martin Vollenwyder (FDP), Finanze
- Martin Waser (SP), Tüfbou und Entsorgig (TEZ)
- Monika Weber (partäifrei; früener LdU), Schuel und Sport
Am 12. Hornig 2006 sind i de Stadt Züri Stadtratswale. D Fra Wäber tritt nüme a. Si isch scho lang im Stadtrat und iri Partei, de Landesring vo de Unabhängige gits nüme. Die andere Kandidiered ali wider.