Moriello de Sampietro
De Biquipedia
Ista fuella ye escrita en sobrarbés.
|
Moriello de Sampietro |
|
|---|---|
 Lugar de Moriello de Sampietro, Antigo monezipio, estió afechau tá Boltaña cuán quedeba abandonáu. |
|
| Comunidá autonoma |  Aragón |
| Probinzia |  Uesca |
| Redolada |  Sobrarbe |
| Codigo postal | 22340 |
| Monezipio | Boltaña |
| Altaria | 984 m. |
| Distanzia | |
| Poblazión | 1 ab. |
Moriello de Sampietro (Morillo de San Pietro, Murillo de San Pedro, ó Morillo de San Pedro á castellán) yé uno nuclio antigo e isoláu á ra boca d'a Bal de Bió. L'auzeso yé prou complicau, sines de carretera, nomás se bi puede plegar por bela pista foristal crebada á partis por escorrenteras d'augua, con trazo difizil includiyén t'os tot-terrénz.
Ro nuclio yé fincáu á l'alto d'uno zinglo calcareo, de grande espeutaclaridát, á ra banda d'obaga d'a Sarra de San Bisorio, e cuasi embolicáu de bosques de pín royo e caxicos. Ro riu Yesa trestalla ra bal, deixán ra carretera d'Añisclo á ra banda opuesada, fén bía ta Fiscal e Bió dica d'Escalona, remanixe Moriello escasamén beyible.
Ras chéns d'as redoladas charran que ro lugar plego tá tener más de bel zentenar d'abitanz, repartius á ra esparza beintena de casas d'o lugar, á ra suya buena epoca, mas que allora trobeba una economía librán alazetada á ra fusta y ra rematería obina. d'Ista epoca (sieglos XVII ent'o XIX) yé calendada l'enamplanzión d'a ilesia parroquial d'o Sieglo XI, que güei á día estiere eleminada á fabor de ra presentazión d'a chicolona capiella muito más fidel t'os suyos orichens meyebals, allora d'a suya zaguera restaurazión á l'añada de 2002.
[Editar] Ilesia
Ra ilesia parroquial yé modesta e chicolona, con formas claramén románicas. Á l'aintror, cubilla bels frescos románicos qui encludiyen uno pantocrator, autualmén e de triste manera, como feto trazas, e bels motibos relichiosos e sozials de l'epoca. Bi son destacables bels escutos d'o Signum Nostri d'Aragón, cuán encara yeran 3 ras barras d'o reino.
