Rock en aragonés
De Biquipedia
A etiqueta de rock en aragonés se fa serbir allá que allá dende o dezenio de 1990 ta referir-se á la mosica entrepretata per os grupos de rock que cantan de traza regular en luenga aragonesa.
De feito, o conzeuto gosa d'abracar á toz es grupos que emplegan l'aragonés ta un estilo mosical diferén á lo etnico u folclorico, que yera l'unico en o que pareixeba que o idioma teneba la suya espresión particular. Con tot, istos grupos acostumbran á carauterizar-sen per o suyo uso instrumental d'elementos tipicos d'o folclor aragonés, per a fusión d'o rock con altros estilos, locals u unibersals, e per letras en muitos casos combatibas u de denunzia de situazions globals u respectibes á Aragón.
D'entre os grupos més representatibos se troban Mallacán, Prau u Esferra. Belas bandas de rock aragonesas en castellán han usato l'aragonés ta bela una d'as suyas canzions, como per ixemplo Ixo Rai, o Comando Cucaracha, Monaguillos sin fronteras u El Corazón del Sapo.
