Éacu
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Éacu ye na mitoloxía griega'l fíu de Zeus y de la ninfa Aegina (Exina); la súa mai dióu nome a la islla homónima cuando ella fou llevada eillí por Zeus pa salvala de los celos destructores d'Hera.
Yera tan xustu y piadosu que ganóu tala fama que dende tola Grecia acudían pa pidi-y ayuda; yeran talas las súas vertúes que Zeus prebóu pa facelu inmortal pero las Parcas nun lu permitiorun; por embargo Zeus fixo que'l sou fíu fuera ún de los tres xueces del Hades; concretamente, él xulgaba las ánimas de los helenos (europeos); los outros dos xueces yeran Radamantis y Minos.
Ente los llogros de la súa piedá destaca que, gracias a los sous ruegos, llogróu que Zeus convirtiera n'homes las formigas que, en forma de plaga, Hera unvióu pa castigar al reinu del fíu bastardu del sou maríu. Estas formigas convirtiórunse nos Mirmidones, que na Guerra de Troya seirían los soldaos d'Aquiles. Tamién fou, Éacu, quien construyóu las grandiosas murias de Troya pal rey Laomedonte.
Tuvo un fíu, Phocus (Focu) cola ninfa Psamate; esti fou asasináu polos sous fíos Telamón y Peléu, so la incitación de la súa mái; cuando Psamate enteróuse de la muerte de Phocus, tresformóuse en lloba y acabóu col ganáu de la islla d'Exina.
Éacu fou l'ancestru de la mena de los Eacidas, que tien como figura más afamada a Aleixandre'l Grande, que lu yera por vía materna.
