Abel Pardo Fernández
De Uiquipedia
Abel Uxeniu Pardo Fernández ye un políticu llionés.
Foi conceyeiru de mocedá del conceyu de Llión. En 2002 organizóu la I Nueche Celta de Llión, a la que siginun el Festival Internacional Reinu de Llión, ou'l Branu Xoven. Fou'l responsable del nacimientu de la Escuela de Formación Tradicional Llionesa, asina comu de las espublizaciones en llingua llionesa qu'entamara l'ayuntamientu de Llión, faciendu una política de billinguismu real. Firmóu'l conveniu de collaboración Universidá de Llión - Ayuntamientu de Llión pa la formación primeiru de Monitores Oficiales de Cultura Tradicional Llionesa, y darréu de Monitores Oficiales de Llingua Llionesa, poniendu en marcha la enseñanza oficial d'esti idioma con reconocencia universitaria. Creyóu la Banda de Gaitas "Ciudá de Llión", desendolcóu las "Xornadas d'Esaltación de la Cultura Tradicional Llionesa", y los cursos de Xifra y Tamborín, Gaita, Tambor, Cultura, Gastronomía tradicional llionesa y deillas materias que cincan la cultura tradicional. Fomentóu la creyación musical de la llingua llionesa col Festival y CD "Kaña Kazurra", asina comu l'espoxige d'espublizaciones en llionés pola parte de las asociaciones xuveniles. Na ciudá de Llión güei cais d'escritores nel nuesu idioma comu Escritora Eva González, Profesor Xaime Andrés ou Caitano Bardón llevan estos nomes a propuesta suya.
Autualmente ye secretariu de coordinación política de la Unión del Pueblo Leonés y secretariu xeneral de la mocedá llionesista Conceyu Xoven.
