Astorga
De Uiquipedia
| Astorga | |||
|---|---|---|---|
|
|||
| Comarca | Maragatos | ||
| Provincia | Llión | ||
| Superficie | 46,78 km² | ||
| Población | 12.275 hab (2005) | ||
| Densidá | 262,39 hab./km² | ||
| Riéu | Jerga | ||
| Xentiliciu | astorganu ou asturicense | ||
| Partaz Postal | 24700 | ||
| Poblaciones |
|
||
Astorga ou Estorga (Astorga); ye una ciudá, y conceyu, allugada nel centru de la provincia de Llión. Ye xunta Llión las dúas ciudáes más antigas del Reinu, pescundiando nun pola fundación sino pola súa categoría ciudadana. Ye tiesta de Partíu Xudicial, y ta considerada davezu capital de Maragatos, malque tradicionalmente nun fixera parte de la comarca, anguaño ye reconocida como tala polos sous habitantes.
Tabla de conteníos |
[editar] Hestoria
Astorga tien un escuru orixen, escomienza nos escritos cola fundación de la ciudá polos romanos, que la fixorun capital conventu Asturicense, yera la capital alministrativa de las poblaciones astures durante la ocupación romana. De feitu'l sou nome provién d'"Asturica Augusta".
Yera la encargada, xunta Llión de vixilare los tresportes del preciáu ouru de la rexón pa Roma; esti ouru fixo que l'Imperiu pudiera caltenese nos sieglos posteriore.
La súa importancia contina na Edá Media como principal centru del Reinu de Llión y nun escomienza a escurecese ta la Edá Moderna, como asocedería con tola rexón. Si qu'asina guarda un datu hestóricu importante como ciudá nomada nel Arcu del Triunfu de París pola fiera resistencia que los llioneses amosorun na Guerra d'Independencia.
[editar] Arte
Ye tamién obispáu -ún de los más antigos d'España- y un de los centros monumentales del oeste hispánicu, destacan las súas ruinas romanas, la catedral gótica ya'l Palaciu Episcopal obra del arquiteutu catalán Antoni Gaudí. Asina mesmo, ye conocía por ser el primer llugar del Vieyu continente onde introdúxose y fabricóuse'l chocolate viniente de las Américas, poro tien el primer museu del chocolate d'Europa.
[editar] Economía
Como tola rexón, vivíu nos 80 y 90 un fuerte procesu de pérdida económica y demográfica que paez ta seyendo frenáu por mor de la esplotación turística, deviniendo'l principal centru receutor de Turismu del noroeste en cuanto a la súa población. Poro dedicóu'l conceyu esfuercios pa dotar a la ciudá d'infraestructuras y de medios pa conservar el Patrimoniu, artísticu y cultural. Asina preserva los restos mediante un alcuerdu exemplar, y importáu, ente las alministraciones públicas y las empresas constructoras.
Amás la súa importancia xorrez dientro de la Rexón, asina ye la ciudá de referencia pa las comarcas del centru-sur (compartíu con La Bañeza), como La Cepeda ou La Cabreira.
[editar] Cultura
Astorga ye un centru de lliteratos dende Xuan Lloriezu Segura autor del Llibru d'Alixandre ta los escritores del sieglu XX Leopoldo Panero ou Eugenio de Nora ente outros. Amás ye un conceyu arguyosu de la súa cultura y ún de los primeiros en promover la recuperación y l'ensiñu de la llingua llionesa ente los sous vecinos.
