Camilo Cienfuegos

De Uiquipedia

Camilo Cienfuegos Gorriarán (6 de febreru de 1932 - 28 d'ochobre de 1959). Revolucionariu cubanu, fiu d' anarquistes. Nacíu en Lawton, Ciudá de La Habana, Cuba, onde cursó los sos estudios primarios na escuela Remberto Alemán.

Nel añu 1953 viaxó a los Estados Xuníos a la gueta d'una meyor situación económica, pero decide regresar indignáu pol ambiente esistente nesi país y pola esplotación a la que yeren sometíos los trabayadores.

En 1954 amestase a la llucha estudiantil escontra la dictadura del réxime tiránicu de Fulgencio Batista y, un añu más tarde, ye feríu de bala mientres una manifestación. Foi ficháu polos cuerpos represivos del dictador polo que se vio obligáu a esiliase. Na ciudá de Nueva York conoció les idegues y propósitos del entoncienes estudiante Fidel Castro, y decide treslladase a México, onde se incorpora a la espedición nel yate Granma que s'entama pa reiniciar la llucha armada en Cuba.

Na llucha en Sierra Maestra pola so aición en combate otórgase-y el rangu de capitán. En 1957 crease una nuea columna guerrillera: la columna númberu 4, fia de la columna madre "José Martí", y de la que ta a cargo del Comandante Ernesto Che Guevara. Ye nesta columna onde cumple la so función de capitán Camilo y onde precisamente xurde, nel senu de la llucha armada, una entrañable amistá entre él y el Che.

Foi una de les figures más emblemátiques de la Revolución Cubana xunta Fidel Castro, Huber Matos, Eloy Gutiérrez Menoyo y Che Guevara.

Demientres la llucha guerrillera pol trunfu la Revolución Cubana asignose-y la xera de dirixir la columna invasora númberu 2 "Antonio Maceo", que partió de Sierra Maestra faza l' Occidente de Cuba n'agostu de 1958 y que, xunta la columna ochu (Ciro redondo) al mando del Che Guevara, estendió les aiciones militares qu'entamares na fastera oriental al occidente de la islla.

Lliderada por Camilo Cienfuegos toma la ciudá de Yaguajay, una batalla decisiva nel güelpe final del Exército Rebelde pa debilitar las fuerces armaes de Fulgencio Batista. Tres el trunfu la Revolución, Cienfuegos formó parte del Altu mandu del Ejército. Combatió nos llevantamientos contra-revolucionarios y participó tamién na Reforma Agraria.

Al Comandante Camilo Cienfuegos conocíaselu como "El Héroe de Yaguajay", yera mui queríu pola so homildá, sencillez y sonrisa franca.

[editar] Muerte

La versión oficial ye que Camilo Cienfuegos finó'l 28 d'ochobre de 1959 nun acidente d'aviación a causa del mal tiempu, anque enxamás se pudieron alcontrar restos del avión, nin hebo reportes de problemes climáticos na ruta que supuestamente debía siguir. Esisten numberoses teories sobre la so muerte y de los fechos que la precedieron.

Una d'estes fala d'ametrallamientu del Cessna 310 tripuláu por Cienfuegos por parte d'un avión Sea Fury de la Fuerza Aerea Revolucionaria Cubana, supuestamente tripuláu por Blas Domínguez, pilotu personal de Fidel Castro. Nesti casu Domínguez asesinara a Camilo Cienfuegos por órdenes directes de Fidel, eliminando a Camilo pol so vínculu con Huber Matos, quien se había rebelado contra el rumbu tiránicu que tomaba la "Revolución Cubana", fechu pol que foi condenáu a 20 años de cárcele posteriormente, pero sobremanera pola confianza que'l pueblu cubanu depositaba en Camilo.

Por otra parte tamién pudiera ser posible que'l avión fuere derribáu por error pola propia defensa antiaérea cubana. Hai que tener en cuenta que daquella habia una gran tensión sobre estes fuercies, al violase de continuo l'espaciu aériu cubanu y los sistemes de deteción y comunicación con que cuntaban yeren mui llimitaos.

Al mesmu tiempu, hai teoríes asemeyaes que falen de la implicación de la CIA nel derribu del avión y la muerte de Cienfuegos. Estes basense nos costantes atentaos`contra los revolucionarios que participaron na guerra escontra'l dictador Batista.

Finalmente, otra teoría plantega que Camilo sí llegó a La Habana y ehí foi asesináu. Suponse que'l capitán Cristino Naranjo, quien fuere fiel compañeru de Camilo, tuvo evidencies de que estos fechos ocurrieron na nueche del 27 d'ochobre a manes de Raúl Castro personalmente. El capitán Naranjo llanzó la so propia investigación pero esta nun foi finada ya que foi asesináu pocos díes después, el 13 de payares^[1], en circustancies poco clares.

En cualquier caso, la muerte de Camilo Cienfuegos continúa siendo una asignatura pendiente de la hestoria reciente de Cuba y, debio al intensu conflictu d'intereses que la rodea, resulta imposible na pŕactica determinar cómo ésta asocedió.