Escudu de Benín
De Uiquipedia
L'escudu d'armes de Benín foi readoptáu en 1990 depués de ser reemplazáu en 1975. Na parte superior del emblema ta la cresta nacional, que consiste en dos cuernos con panoyes de maíz rellenes d'arena. Se diz qu'esto simboliza la prosperidá. Baxu la cresta hai un escudu que contien les armes de Benin.
L'escudu ta dixebráu en cuatro cuarteles. El cuartel esquierdu superior contien un castiellu al estilu de la “Somba”, representativu de la hestoria de Benín. Nel cuartel superior drechu ta la Estrella de Benín, la másima condecoración de la nación. Embaxu d'ella hai un barcu, que simboliza l'arribada de los europeos a Benín. Nel cuartel inferior esquierdu hai una palmera.
L'escudu ye sosteníu por un par de lleopardos, l'animal nacional de Benín. Baxu l'escudu ta'l lema de Benín en Francés, "Fraternité, Justice, Travail", que significa Fraternidá, Xusticia, Trabayu.
