Escudu de Marruecos
De Uiquipedia
La versión d'anguañu del escudu de Marruecos, que ye l'escudu d'armes del monarca alauí, foi adoptáu'l 14 d'agostu de 1957. El diseñu del escudu foi realizáu polos artistes gráficos Gauthier y Hainaut.
Nesti escudu s'amuesen, nun campu cortáu d'azur (azul) y gules (roxu) por una divisa o ceñidor (franxa horizontal estrecha) de plata (blanca o buxu):
Na partición d'arriba, d'azur, el sol ñaciente representáu d'oru; na inferior, de gules, un pentagrama de sínople (verde). Na divisa o ceñidor apaez representada, de gules, la Cordal del Atlas.
Timbra la corona real marroquí.
Sostienen l'escudu dos figures con forma de lleón.
Na parte d'abaxu del escudu pue lleese nuna cinta, escritu n'árabe: "Si aides a Dios, él t'aidará a ti" (Corán, Versu 7, Sura 47).
El pentagrama ye un símbolu que pa los musulmanos ta relacionáu con Fátima, la fía del Profeta Mahoma. Na bandera y escudu marroquíes representa la venceya ente Dios y la nación.
