Escudu de la República Centroafricana
De Uiquipedia
L'escudu d'armes de la República Centroafricana divídese en 4 cuarteles: nel cuartel superior izquierdu, un elefante sobre fondu verde y nel cuartel superior drechu, un árbole sobre fondu blanco; nel cuartel inferior izquierdu, trés estrelles prietes de cuatro puntes afuracaes (afuracamientu en plata) nel so centru sobre fondu doráu; y nel inferior drechu, una mano en prietu qu'apunta col so deu índiz y que foi'l símbolu del MESAN, el partíu políticu de Barthélémy Boganda, pá de la patria. Nel coral de la mesma una pequeña placa en roxu qu'invade parte de los cuatro campos enantes mencionaos, lleva un mapa d'África en prietu sobre un círculu blanco y sobre'l mapa una estrella dorada de cinco puntes amuesa l'asitiamientu xeográficu del país. L'escudu tien como pegoyos dos banderes nacionales desendolcaes sobre dos llances, mentantu qu'un sol cola fecha de l'afitamientu de la república constitúi la cima. Na parte superior apaez una divisa col llema que diz ZO KWE ZO (Un home ye un home). A los pies de la placa central se reproduz la cruz de la Orde'l Méritu Centroafricanu, y la divisa nacional "UNITÉ DIGNITÉ TRAVAIL", ("XUNIDÁ DIGNIDÁ TRABAYU").
