Hécate
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Hécate (Εκάτη) yera una de las dieusas griegas de mayor presencia, pero que nun fou considerada como una de las grandes. Amás fou una de las poucas divinidaes primordiales que pasorun pa las creyencias olímpicas.
[editar] Alvocación
D'orixe traciu, taba rellacionada cola Lluna, pero cola parte espiritual d'esta, asina como coles pesadielles y malos suaños, polo que ta considerada una dieusa ctónica y tamién una divinidá llunar.
Y como'l sou nome indica, εκατρισ sinifica baille de manes; so la súa proteición y alvocación taban tamién la maxa, xeomancia y l'aldovinación.
Nun yera davezu representada, pero describíasela con trés tiestas, una de perru, una caballu y una de sierpe, amás llevaba na frente un creciente llunar, una ou duas hachas nas manos y sierpes en cuellu. Rindíase-y cultu nas encrucixadas de caminos; esto heredóulu'l sou equivalente romanu Trivia, onde dexórunse sacrificios hasta bien entrada la Edá Media.
Si bien nun taba nel Panteón Olímpicu, los griegos teníanla como una de las dieusas principales tando por enriba d'Artemisa na consideración de los sous fieles como representación de la Lluna, amás como dieusa ctónica tenía poder sobre la vexetación y sobru l'outrumundiu, de tala manera qu'ella aconseyaba a los xueces de los Muertos.
La rellación con Hekat exipcia, con funciones y atributos semeyaos, lleva a pensar qu'esta divinidá yera una representación común nas culturas matriarcales mediterráneas antigas como alegoría de la Lluna y la fertilidá y pasóu a las posteriores culturas helénicas como herencia na figura d'Hécate la fía de los titanes Perséu y Asteria; malque'l sou orixen fuera enanterior y debiera considerase una divinidá primordial.
Al tar rellacionada col matriarcáu prehestóricu, nel pasu d'esti al patriarcáu ella devín tolo escuru, la maxa, los feitizos y inclusives la muerte.Asina, Hécate, ye una de las poucas divinidáes, que tenía poder nel cielu, na tierra y nel Hades, lu qu'amuesa'l sou gran poder y importancia na relixosidá antiga griega.
[editar] Descendecia
Hécate xuníuse primeiru a Forcis tuvo a Escila, a Aestes; con quien enxendróu a las meigas Circe y Medea.
[editar] Triada llunar
Esti tríu formábanlu las tres divinidaes representantes de la Lluna:
