Manuel González Wes
De Uiquipedia
El periodista asturianu Manuel González Wes (Corvera, 1873; Cabu Peñes, 1936) foi en 1908 fundador y primer direutor del periódicu La Voz de Avilés, güei vicedecanu de los periódicos asturianos e integráu nel grupu Vocento baxo la Direición de Juan Manuel Wes López, nietu del fundador y fiu del anterior director y de l´alministradora que supo, ya viuda, modernizar el diariu. El periódicu, magar que nun yera exactamente de partíu, sí taba na órbita de José Manuel Pedregal, que yera del Partíu Reformista de Melquíades Álvarez. Más tarde vivió los avatares de la dictadura de Primo de Rivera y saludó comu casi tolos españoles la llegada de la Segunda República. Lluéu, en pallabres d'un de los sos nietos “vio lo que supuso la República, una guerra civil que-y foi especialmente dolorosa”. Tan dolorosa que-y costó la vida, siendo un de los munchos “fascistes” (en terminología de la época) arroxaos pela represión roxa dende'l catil del Cabu Peñes. Comu tantos otros, el so cadáver nunca apaeció. MGW, dotáu pa la oratoria y la divulgación altruista, estudió Drechu na Universidá d'Uviéu y enantes hubiere cursao pa sacerdote pero ensin llegar a ordenase. El so fiu Juan González-Wes Dintén estudió tamién Drechu pero dende la adolescencia dedicose al diariu familiar del que foi director dende´l mesmu día del trunfu de los nacionales n'Asturies (21-10-1937) fasta'l so fallecimientu´l 23-7-1963. Otros fios de Manuel González Wes foron los artistes Fernando y Víctor Wes Dintén (o Fernando González-Wes Dintén). Una de las cais de Avilés lleva los apellios González Wes, pues foron promotores d'obres sociales, benéfiques y culturales como La Filarmónica, la Biblioteca Popular Circulante, la Sociedá Amigos del Arte, la Asociación Avilesina de Caridá, la Sociedá de Salvamentu de Náufragos, la Seición llocal de la Cruz Bermeya, la Escuela de Trabayu y el Club del Mar. En 1945 el so periódicu organizó la 1ª Regata Nacional de Traineres na ría d´Avilés.
