Nutación
De Uiquipedia
La nutación (del llatín "nutare" , cabeciar u oscilar) ye la oscilación periódica del polu de la Tierra alredor de la so posición media na esfera celeste, (asemeyao al movimientu d'una peonza cuandu pierde fuercia y ta al puntu cayer) por mor de la influyencia de la Lluna sobro'l planeta, y al achatamientu del xeoide.
El movimientu ye asemeyáu a una pequeña elipse y produzse demientres el movimientu de precesión. Una vuelta completa a la elipse dura 18,6 años, lo que supón que nuna vuelta completa de precesión la Tierra fai 1.385 bucles. La nutación fai que los Polos de la Tierra desplázense unos nueve segundos d'arcu cada bucle.
El Sol tamién fai otru efeutu de nutación pero de menos importancia, con un períodu de mediu en mediu añu y un desplazamientu polar másimu de 0,55" d'arcu. El restu los planetas tamién faen variaciones, nomaes perturbaciones, pero de menor importancia.
El movimientu de nutación foi afayáu en 1728 pol astrónomu inglés James Bradley y asoleyáu nel añu 1748. Fasta 20 años más tarde, nun se supo que la causa d'esti movimientu yera un fechu resultante de l'atraición gravitatoria de la Lluna.
