Sama
De Uiquipedia
Sama ye una parroquia del conceyu asturianu de Llangréu, segunda en población tres de La Felguera. La so parte urbana conforma el distritu de Sama, ún de los seis qu'integren la ciudá de Llangréu.
El mercáu celébrase los llunes, y el principal nucleu comercial ye la cai Dorado. A orielles del ríu Nalón ta allugáu'l Parque Dorado, de planta asemeyada a tolos de la cuenca del Nalón. La ilesia cabezalera de parroquia ye d'estilu neogóticu, reconstruyida depués de la Revolución de 1934 con inscripción "Cayíos por Dios y por España"; esto resulta estraño dada la natura revolucionaria qu'acompañó a estes tierres en dellos asocedimientos pasaos. En dalgunes de les sos muries puen vese pintaes de la mena: "Mines a cielu abiertu NON", per aciu de la tradición minera, deficitaria na rexón, que requirió l'intervencionismu estatal pal so caltenimientu, con bien de protestes, paros, güelgues y revueltes.
Sama abeya anguaño la Casa'l Conceyu de Llangréu y ye'l segundu nucleu de población del Valle del Nalón. Les sos fiestes son: Santiago (xunetu), Los Güevos Pintos (Pascua) y San Xuan (xunu, nel barriu La Llera).
[editar] Edificios d'interés
- Casa del Conceyu
- Ilesia de Santiago
- Edificiu Banco Herrero
- Casa Cuca
- Edificiu de la Montera
- Antigües escueles Dorado
| Parroquies de Llangréu |
|---|
| Barros | Ciañu | Lada | La Felguera | La Venta | Riañu | Sama | Tiuya |
