Unidá Nacionalista Asturiana
De Uiquipedia
Unidá Nacionalista Asturiana (UNA) foi un partíu políticu asturianu que xurde de la xuntura, en 1988, de dos organizaciones nacionalistes d'izquierda: Ensame Nacionalista Astur(ENA) y la Xunta Nacionalista Asturiana.
UNA preséntase yá a les elleiciones europees de 1989 con José Suárez, "Felechosa" de candidatu, anque non ensin divisiones internes sobre lo acertao d'esta participación. Tamién nesi añu, n'cohobre, UNA tamién se presenta a les elleiciones estatales col desgaste económicu que suponen dos cites ellectorales nun añu. Nesta convocatoria UNA algama un 3.164(un 0,54% de votu). Nestes elleiciones el rexonalista Partíu Asturianista(PAS), formáu en 1985 algamare 3.476 votos (un 0’57 %). Esta situación abriría una vía ente les executives de dambos partíos pa una coalición de cara a les elleiciones asturianes de 1991.
En Marzu de 1990 nueve miembros de la so Xunta Nacional, miembros d'una corriente crítica d'opinión y críticos cola coalición col PAS, foron espulsaos de la organización por los otros 14 miembros d'esi muérganu. Estes persones, pocu dempués, aniciaríen Andecha Astur).
UNA y PAS llegarán a un alcuerdu ellectoral y formarán Coalición Asturiana pa presentase a les elleiciones de mayu de 1991 con Xuan Xosé Sánchez Vicente presidente del PAS como cabezaleru. Coalición Asturiana algama 14.500 votos que-y da a Sanchez Vicente l'acta de diputáu na Xunta Xeneral.
Nun tardando el PAS capitalizará los resultaos y dexará de llau a la fuercia d'izquierda, la UNA denunciará la situación llegando a pedir a Sanchez Vicente'l so acta de diputáu.
[editar] Enllaces Esternos
[editar] Ver Tamién
- Ensame Nacionalista Astur
- Xunta Nacionalista Asturiana
- Partíu Asturianista
- Andecha Astur
- Coalición Asturiana
