Əzizə Mustafazadə

Vikipediya, açıq ensiklopediya - ویکیپدیا ، آچیق انسایکلوپدیا

Əzizə Mustafazadə
Əzizə Mustafazadə
Doğumu
Dekabrın 19, 1969 Bakı
Vəfatı

Əzizə Mustafazadə, dünyada Aziza Mustafa Zadeh olaraq bilinən məşhur Azərbaycanlı piyanist, bəstəkar və caz ifaçısıdır. Azərbaycan müsiqisində muğam ilə caz musiqisini ilk dəfə birləşdirən Vaqif Mustafazadənin qızıdır. Dekabrın 19, 1969cu ildə Bakıda anadan olmuşdur. Anası Eliza Mustafazadə ilə bərabər Almaniyada yaşamaqdadır.

[redaktə / تحریر] Bioqrafiya

Əzizənin atası Vaqif, anası isə Eliza Mustafazadədir. Vaqif, Əzizənin də bu gün davamçısı olduğu caz-muğam müsiqi növünün yaradıcısı, məşhur bəstəkar və piyanistdir. Eliza isə gürcü mənşəli müğənnidir.

Valideynləri Əzizənin müsiqiyə qarşı həssaslığını daha o səkkiz aylıqkən fərq etmışlər. Əzizə, anasının ona anlattığı belə bir əhvalatdan bəhs edir: "Bir dəfəsində atam piyaninada, insanda çox dərin və kədərli hisslər oyandıran Şur muğamını ifa edirmiş. Atam çalarkən mən ağlamağa başlamışam. Hər kəs niyə üzgün olduğumu anlamağa çalışırkən, anam təsadüfən müsiqi ilə mənim ruh halım arasındaki bağlantını fərqinə varır. Atama belə deyir 'Vaqif, lütfən Rasta keç. Rast çal'. Rast isə şən və ritmiq melodiyalarla xarakterizə olunur. Və təbii ki, mən göz yaşım hələ də yanaqlarımdan axarkən rəqs elər kimi hərəkətlər etməyə başlamışam."

Əzizə incəsənətin bütün növlərinə qarşı maraq göstərirdi, xüsusilə rəssamlıq, rəqs və ifaçılıq. İlk dəfə səhnəyə daha üç yaşındaykən atası ilə birlikdə bədahətən yəni hazırlaşmadan mahnılar ifa edərək çıxmışdır. Sonralar bədahət sənəti onun xüsusi istedadlarıdan biri olacaqdır. Klassik piyanina təhsilinə erkən yaşlarda başlamış, İohan Sebastian Bax və Frederik Şopen kimi bəstəkarların əsərlərinə xüsusi maraq göstərmişdir.

Dekabrın 16sı 1979cu ildə Əzizənin ad günündən 3 gün sonra atası 39 yaşında Daşkənddə vəfat edir. Atasını çox sevən Əzizənin bu böyük fəlakətin üstəsindən gələbilməsi üçün anası öz ifaçı kariyerasını təxirə salaraq, özünü qızının yüksək istedadlarını inkişaf ettirməsinə verir.

17 yaşında Vaşinqton şəhərində Teloyenus Monk adına piyanina yarışında birincilik almağına onun caz-muğam musiqisi çox böyük rol oynamışdır. Elə həmin bu vaxtlarda Əzizə anası ilə Almaniyaya köçmüşdür.

Əzizə ilk albumunu 1991ci ildə Aziza Mustafa Zadeh adı ilə çıxarmışdır. İkinci albumu, Always (Həmişə) ilə prestijli Alman musiqi prizi sayılan Fono Akademi Prizini və Sonynin Exo Prizini qazanmağa layiq görülmüşdür. Son albümü Contasts (2006)dır.