Qız Qalası (1924)

Vikipediya, açıq ensiklopediya - ویکیپدیا ، آچیق انسایکلوپدیا

FİLMİN ÜZƏRİNDƏ İŞLƏYƏNLƏR :

Quruluşçu Rejissor : Vladimir Ballyuzek

Quruluşçu Rəssam : Vladimir Ballyuzek

Ssenari Müəllifi : N. Breslav-Lurye

Quruluşçu Operator : V. Lemke

Qrim Rəssamı : Georgi Parisaşvili

Rejissor Köməkçisi : Məmməd Əlili

ROLLARDA :

S. Jozeffi-Xanın arvadı və qızı Gülnar

İsmayıl Hidayətzadə-Gülnarın sevgilisi

İbrahim Azəri-Vəzir

Ələkbər Hüseynzadə-Əyan

Rza Darablı-Əyan

Ağasadıq Gəraybəyli-Əyan

Möhsün Sənani-Döyüşçü

Hənifə Terequlov

Georgi Parisaşvili

Y. Muromski

N. Breslav-Lurye

Kazım Ziya

Hacıməmməd Qafqazlı-Əyan

Məcid Şamxalov

Rüstəm Kazımov

JANR :

Kinodram

İLK BAXIŞ TARİXİ :

27 May, 1924

FİLMİN DİGƏR ADI :

Şərq Ekzotikası

DİL :

Səssiz/ Titrlər Rusca

ÖLKƏ :

Azərbaycan

İSTEHSALÇI KOMPANİYA :

AFKİ (Azərbaycan Foto-Kino İdarəsi)

RƏNG :

Ağ-Qara

VAXT :

54,5 dəq.

MƏZMUN :

Köhnə Bakı. Səməd xan çox narahatdır.Arvadı hamilədir. Xana xəbər verirlər ki, uşaq anadan olur, ana isə vəfat edir. Qəzəblənmiş xan uşağa belə baxmayıb əmr edir ki, uşağı saraydan uzaqlaşdırsınlar. Körpə qız təbiətin qoynunda bir qarınının evində böyüyür, gözəl bir qız olur. Xan ova çıxarkən qızı Gülnarla rastlaşır, onu tanıyır. Qızını saraya gətirir, Gülnarın sevdiyi oğlanı da saraya çağırırlar. Gülnar anasının libaslarını geyinərkən xanda şəhvət hissi oyanır. O, Gülnarın simasında vəfat etmiş arvadını görür. Hisslərini cilovlaya bilməyən ata nəhayət ürəyini qızına açır. Gülnar bu biabırçılığa dözməyib xanın onun üçün tikdirdiyi Qız Qalasından özünü dənizə atıb faciəli surətdə həlak olur.

ƏLAVƏLƏR :

Film Bakıda Xəzər dənizinin sahilində ucalaan XII əsrin tarixi arxitektura abidəsi-Qız Qalası ilə bağlı Azərbaycan xalq əfsanələri motivləri əsasında çəkilmişdir. Film mövzu və süjetcə maraqlıdır. Sözsüz və səssiz olmasına baxmayaraq, hadisələrin gedişi aydın və anlaşıqlı idi. Bununla belə filmdə süjetlə möhkəm bağlı olmayan əlavə məhəbbət xətləri, üsyan epizodları verilmişdir. Rejissor Azərbaycan xalqının tarixini, onun mədəniyyətini və məişətini yaxşı bilmədiyindən bu mövzunun real traktovkasına və milli koloritinə mənfi təsir göstərmişdir.

Filmin çəkilişlərində 1500 adam iştirak etmişdir.

Film Ağasadıq Gəraybəylinin kinoda ilk işidir

Film Rüstəm Kazımovun kinoda ilk işidir

Filmdə xanın arvadının tarı gitara kimi və tərs istiqamətdə tutaraq çalması çox maraqlıdır. Bu da onu göstərir ki, rejissor Azərbaycan mədəniyyətinə nə qədər nabələd olmuşdur.

TEXNİKİ MƏLUMATLAR :

8 Hissə

1527 m

2 seriya

SİTATLAR

Koqda Deviçya Başnya Stoyala u samoqo morya volnı laskali yeya mraçnıye stenı.